जळगाव : सतरा वर्षीय मुलीस फूस लावून पळवले

जळगाव : एमआयडीसी पोलिस ठाण्याच्या हद्दीत राहणाऱ्या १७ वर्षीय अल्पवयीन मुलीला अज्ञात व्यक्तीने फूस लावून पळवून नेल्याचा प्रकार समोर आला आहे. याबाबत एमआयडीसी पोलिस ठाण्यात गुन्हा दाखल करण्यात आला आहे. (Latest Marathi News)

औद्योगिक वसाहत परिसरातील रहिवासी १७ वर्षीय अल्पवयीन मुलगी आपल्या कुटुंबीयांसह वास्तव्याला आहे. गुरुवारी (ता. २१) रात्री ९ वाजेच्या सुमारास मुलगी एकटी घरी असताना अज्ञात व्यक्तीने काहीतरी आमिष दाखवून फूस लावून पळून नेले. मुलगी घरातून बेपत्ता झाल्याचे लक्षात आल्यानंतर तिच्या नातेवाइकांनी परिसरात शोध घेतला. परंतु मुलगी कुठेही आढळून न आल्याने अखेर मध्यरात्री एमआयडीसी पोलिस ठाण्यात धाव घेत तक्रार दिली. त्यांच्या तक्रारीवरून अज्ञात व्यक्तिविरोधात गुन्हा दाखल करण्यात आला आहे. पुढील तपास पोलिस उपनिरीक्षक दीपक जगदाळे करीत आहे.