जनावरे चोरणारे दोघे अट्टल जाळ्यात; 20पेक्षा जास्त गुन्हे दाखल | Sakal
sakal

बोलून बातमी शोधा

जनावरे चोरणारे दोघे अट्टल जाळ्यात; 20पेक्षा जास्त गुन्हे दाखल

जनावरे चोरणारे दोघे अट्टल जाळ्यात; 20पेक्षा जास्त गुन्हे दाखल

अमळनेर (जि. जळगाव) : जळगाव जिल्ह्यात विविध ठिकाणाहून जनावरांची चोरी करणाऱ्या आणि आठ महिन्यांपासून वीसपेक्षा जास्त गुन्ह्यात ‘वॉन्टेड’ असणाऱ्या मूळच्या अमळनेरच्या दोघा कुरेशी बंधूंना पोलिसांनी अटक केली आहे.

जळगाव जिल्ह्यात अमळनेर, चाळीसगाव, पारोळा, चोपडा, धरणगाव आदी ठिकाणी आपल्या साथीदारांच्या मदतीने चारचाकी आणून जनावरे चोरणारे मुख्य सूत्रधार रशीद शफी कुरेशी व शकील शफी कुरेशी (मूळ रा. कसाली मोहल्ला, अमळनेर, ह.मु. मालेगाव) हे अमळनेरच्या चार गुन्ह्यांमध्ये वॉन्टेड होते. ते फरार असल्याने न्यायालयाने त्यांच्याविरुद्ध ‘स्टँडिंग वॉरंट’ काढले होते. रशीद आणि शकील गुन्ह्यांमधील मास्टर माईड होते. कुठून कोणती जनावरे कशी उचलायची याच्यावर ते पाळत ठेवत असत आणि वाहतूक करताना संशय येऊन नये, म्हणून भगवा झेंडा असलेली गाडी वापरत असत.

हेही वाचा: RPFला मारहाण करणाऱ्या संशयिताची पोलिसांनी काढली धिंड

रशीद कुरेशी हा मालेगावला स्थायिक झाला होता. त्याच्यावर इतर राज्यात देखील गुन्हे दाखल आहेत. रशीद याने मालेगावला पाचव्यांदा विवाह केला असून, अजून एक नवा संसार थाटल्याची गोपनीय माहिती पोलिस निरीक्षक जयपाल हिरे यांना मिळाली. त्यांनी ताबडतोब सहा पोलिस उपनिरीक्षक विलास पाटील, मिलिंद भामरे, सूर्यकांत साळुंखे यांना मालेगाव येथे पाठवले. रशीद हा गुलाबबाबा दर्गा माळदे येथे लपून बसल्याची माहिती मिळताच पोलिसांनी त्याला अटक केली. मात्र शकील सापडला नाही. रशीदला पोलिसी खाक्या दाखवताच त्याने शकील शनिवारी (ता.२२) चोपडा येथून बसने मालेगाव येणार असल्याची माहिती देताच पोलिसांनी अमळनेर बसस्थानकावर सापळा रचून शकील याला देखील बसमधून ताब्यात घेतले. दोघांना चोपडा न्यायालयात हजर केले असता न्यायालयाने त्यांना दोन दिवसांची पोलिस कोठडी सुनावली आहे.

हेही वाचा: टॉयलेट घोटाळ्यातील संशयित अद्याप मोकाट

Web Title: Animal Thieves Arrested By Police Crime News

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top