Sakal Impact : पाण्याच्या अवैध उपशाविरोधात ‘महावितरण’ची धडक कारवाई

Jalgaon News : ‘नगरदेवळ्यात दहा दिवसांआड पाणीपुरवठा, अग्नावती प्रकल्पातून पाण्याचा अवैध उपसा थांबविण्यात यावा’, या आशयाची ही बातमी गुरुवारी (ता. १८) ‘सकाळ’मध्ये प्रकाशित होताच वीज वितरण कंपनीचे सहाय्यक अभियंत्यांनी तत्काळ दखल घेत निपाणे शिवारातील रोहित्र बंद केले आहे. (Assistant Engineers of Power Distribution Company closed Rohitra in Nipane Shivara jalgaon news)

वीज वितरण कंपनीचे सहाय्यक अभियंता डी. एल. धकाते त्यांचे सहकारी पंकज पाटील, रवींद्र माळी, वाल्मीक वाघ, इमरान शेख, अक्षय पाटील यांनी पिंपळगाव शिवारातील वायर काढून निपाणे शिवारातील रोहित्र बंद केले आहे.

हेही वाचा : Credit Card फसवणूक....काय घ्याल काळजी?

तर गावाच्या पाणी पुरवठा असलेले रोहित्र सुरु आहे. त्यांच्या या कारवाईची गावात चर्चा सुरू असून, ज्यांची वीज जोडणी तोडण्यात आली. केवळ आमच्यावर अन्याय होऊ नये, अशी त्या शेतकऱ्यांत चर्चा होती. तर आता गावात लवकर पाणी मिळेल, अशी अपेक्षा ग्रामस्थांनी व्यक्त केली.