Jalgaon News : बाळासाहेबांची शिवसेना, पीपल्स रिपब्लिकन युती महापालिकेची निवडणूक लढविणार

जळगाव : बाळासाहेबांची शिवसेना व पीपल्स रिपब्लिकन पक्षाच्या झालेल्या युतीमुळे जिल्ह्यात उत्साह असून आगामी महापालिका निवडणूक शिवसेना शिंदे गट व कवाडे गट मिळून लढविणार असल्याची घोषणा पीपल्स रिपब्लिकन पक्षाचे प्रदेश नेते राजू मोरे यांनी येथे केले.

श्री. मोरे म्हणाले, बाळासाहेबांची शिवसेना (शिंदे गट ) व पीपल्स रिपब्लीक पार्टी (कवाडेगट) यांच्यात झालेल्या युतीमुळे कार्यकर्ते आनंदात आहेत, या युतीचा फटाके फोडून जल्लोष करण्यात आला. (Balasaheb Shiv Sena Peoples Republican alliance will contest municipal corporation election Jalgaon News)

हेही वाचा : ..तर तुम्हालाही मिळू शकेल इन्कमटॅक्सचा जुना रिफंड

आगामी महापालिकेच्या निवडणूका युतीतर्फे लढविण्यात येतील, लवकरच पालकमंत्री गुलाबराव पाटील यांची भेट घेऊन त्याबाबत पुढील दिशा ठरविण्यात येईल. जळगाव शहरात मुख्यमंत्री एकनाथ शिंदे व प्रा. जोगेंद्र कवाडे यांच्या सत्काराचा कार्यक्रम लवकरच आयोजित करण्यात येईल.

यावेळी पीपल्स रिपब्लिकनचे महानगराध्यक्ष कल्पेश मोरे, शहर संघटक विजय बागूल, नारायण सपकाळे, इरफान शेख, सिद्धांत मोरे, शुभम चव्हाण, निखिल पवार, कबीर म्हसदे, श्‍याम सोनवणे, गजानन महाजन, अभिजित पाटील, जितेंद्र सोनवणे, सचिन सोनवणे, अमित मानकर, जयंत चव्हाण, राहुल पवार आदी उपस्थित होते.