
गुरांना वाचविताना झाडावर आदळली कार; तिघांचा जागीच मृत्यू
भडगाव (जि. जळगाव) : तालुक्यातील पळासखेड्याजवळ भरधाव जाणारी कार समोरून येणाऱ्या गुरांना वाचविण्याच्या प्रयत्नात निंबाच्या झाडावर आदळल्याने तिघांचा जागीच मृत्यू झाला. या बाबत भडगाव पोलिस ठाण्यात गुन्हा दाखल करण्यात आला आहे.
पळासखेडा येथून होंडाई कारने किसन राठोड, पवन राठोड, जितेंद्र पवार हे तिघेही तरवाडे गावाकडे भरधाव वेगात जाताना रस्त्यावर समोरून येणाऱ्या गुरांना वाचविण्याच्या प्रयत्नात असताना वाहनाचा वेगाचा अंदाज न आल्याने ही कार रस्त्याच्या बाजूस असलेले निंबाच्या झाडावर आदळल्याने कारमधील किसन लखीचंद जाधव (वय ४०, रा. गाळण, ता. पाचोरा), पवन इंदल राठोड (वय २६, रा. गाळण, ह. मु. टिटवाळा, ता. कल्याण), जितेंद्र काशिनाथ पवार (रा. ठाकुर्ली, ता. कल्याण, जि. ठाणे) या तिघांच्या डोक्यास व हातापायाला जबर मार लागला. त्यांना तत्काळ ग्रामीण रुग्णालय, भडगाव येथे दाखल केले असता तिघांना डॉक्टरांनी मृत घोषित केले. या बाबत सुनील वसंतराव राठोड (रा. गाळण, ता. पाचोरा) यांनी दिलेल्या फिर्यादीवरून येथील पोलिस ठाण्यात गुन्हा दाखल करण्यात आला आहे. पोलिस निरीक्षक अशोक उतेकर तपास करीत आहेत.
हेही वाचा: Jalgaon : 42 कोटींच्या रस्त्यांचा खेळ; खड्ड्यामुळे नागरिक त्रस्त
हेही वाचा: Jalgaon Crime : अल्पवयीन मुलीवर सामूहिक अत्याचार
Web Title: Car Crashes Into Tree 3 Dead On The Spot Jalgaon News
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..