Jalgaon Crime News : अवैध लाकूड साठा जप्त; एकाविरुद्ध गुन्हा दाखल

Jalgaon Crime News : तालुक्यातील दहिगाव, कोरपावली गावाकडील कच्च्या रस्त्यावर अवैधरीत्या साठवून ठेवलेले लाकूड वन विभागाच्या पथकाने पकडले आहे.

तब्बल एक लाख ३४ हजार रुपये किमतीचा हा लाकूड साठा असून, या प्रकरणी एकाविरुद्ध गुन्हा दाखल करण्यात आला आहे. (case registered against one for confiscation of illegal timber stocks jalgaon crime news)

दहिगाव (ता. यावल) येथील कोरपावली कच्च्या रस्त्यावर फकिरा दगडू तडवी (रा. नायगाव) याने अवैधरीत्या जळाऊ लाकूड साठा साठवण करून ठेवला होता.

येथे गुरुवारी गुप्त बातमीवरून यावल वन विभागाचे उपवनसंरक्षक जमीर शेख, सहायक वनसंरक्षक प्रथमेश हडपे यांच्या मार्गदर्शनाखाली वन परीक्षेत्र अधिकारी सुनील भिलावे, वनपाल विपुल पाटील, वनरक्षक हनुमंत सोनवणे, सरला भोंगरे, अश्रफ तडवी, अक्षय रोकडे यांच्या पथकाने ही कारवाई केली.

त्यात इंजायली लाकूड साठा यात इमारती ९३ नग १२.२१५ घनमीटर, पंचरास जळाऊ थप्पी ११५.५१२ घनमीटर असा एकूण १ लाख ३४ हजार ३१ रुपये शासकीय किमतीचा लाकूड साठा जप्त करण्यात आला आहे.

या बाबत फकिरा तडवी यांच्याविरुद्ध गुन्हा दाखल करण्यात आला आहे.