जळगाव जिल्ह्यात कोरोनाची रुग्णसंख्या घटतेय

नवे १२२ बाधित; दिवसभरात ३३८ रुग्ण बरे
corona patients is declining in Jalgaon
corona patients is declining in Jalgaon sakal

जळगाव : जिल्ह्यात कोरोनाचा संसर्ग कमी होतोय. दररोजच्या संख्येत घट येत असून, बरे होणाऱ्यांची संख्या जास्त असल्याने सक्रिय रुग्णसंख्याही कमालीची घटली आहे. शुक्रवारी (ता. ४) नव्या १२२ रुग्णांची नोंद झाली, तर ३३८ रुग्ण दिवसभरात कोरोनामुक्त झाले.

जळगाव जिल्ह्यात जानेवारीच्या पहिल्या आठवड्यापासून वाढलेला कोरोना संसर्ग महिनाभरातच घटू लागला. आता फेब्रुवारीची सुरवात दिलासादायक होऊन बरे होणाऱ्यांची संख्या दररोजच्या नव्या रुग्णांपेक्षा वाढली आहे. आठवडाभरापासून हे प्रमाण वाढत आहे. शुक्रवारी प्राप्त १,७८३ चाचण्यांच्या अहवालातून १२२ नवे रुग्ण आढळून आले, तर ३३ रुग्ण बरे झाले. बुधवारी (ता. २) आठ वर्षीय मुलाचा मृत्यू झाल्यानंतर त्याची नोंद शुक्रवारच्या अहवालातून समोर आली. सध्या जिल्ह्यात १७६६ सक्रिय रुग्ण असून, त्यापैकी केवळ ५० रुग्णांमध्येच लक्षणे आहेत.

असे आढळले रुग्ण

जळगाव शहर ३८, जळगाव ग्रामीण २, भुसावळ ७, अमळनेर ५, चोपडा १६, पाचोरा १८, भडगाव २, एरंडोल ६, पारोळा २, चाळीसगाव २०. शुक्रवारी जिल्ह्यातील धरणगाव, यावल, रावेर, मुक्ताईनगर व बोदवड या तालुक्यांत एकही रुग्ण आढळून आला नाही.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com