Jalgaon : मोठ्या भावाच्या विरहाने 48 तासांत धाकट्या भावाचा मृत्यू

निभोरी(जि.जळगाव) : निंभोरी खुर्द (ता. पाचोरा) येथील गजानन तुळशिराम दिवटे (वय ३६) याचे मंगळवारी (ता. २०) पहाटे सव्वातीनला अल्प आजाराने निधन झाले. (Death of younger brother within 48 hours due to death of elder brother Jalgaon Latest Marathi News)

त्यानंतर त्यांचा गुरुवारी (ता. २२) सारीचा कार्यक्रम होता. त्यांचा धाकटा भाऊ राहुल तुळशीराम दिवटे (वय ३१) हे गेल्या सहा महिन्यांपासून आजाराशी झुंज देत होते. मात्र मोठ्या भावाचे निधन झाल्याने त्याचा धसका घेऊन राहुलचे गुरुवारी (ता. २२) सव्वापाचच्या सुमारास अवघ्या ४८ तासांच्या अंतराने निधन झाले. गजानन दिवटे यांच्या सारीचा कार्यक्रम सकाळी आठला आटोपल्यानंतर दुपारी बाराला राहुल यांचेवर अंत्यसंस्कार करण्यात आले. माजी पोलिस पाटील (कै.) तुळशिराम नारायण दिवटे (पाटील) यांची ही मुले होत.