Diwali MSRTC Fare Hike : दिवाळीत STला भाडेवाढीचा चटका!

ST News
ST Newsesakal

जळगाव : दिवाळीच्या पार्श्वभूमीवर महामंडळाची लालपरी अतिरिक्‍त फेऱ्या मारणार आहे. मात्र याच दिवाळीच्‍या गर्दीच्‍या हंगामात एसटीची भाडेवाढ केली आहे. यामुळे यंदा लालपरीतून दिवाळीच्‍या प्रवासाला जादा पैसे मोजावे लागणार आहेत. दिवाळीच्या पार्श्वभूमीवर १० टक्के नैसर्गिक भाडेवाढ गुरुवार (ता. २०)पासून लागू झाली आहे. (Diwali MSRTC Fare Hike Fare Hike to ST on Diwali 2022 Jalgaon Latest News)

ST News
Crime News : घटस्फोटित तरुणीवर अत्याचार प्रकरणी गुन्हा दाखल

दिवाळीच्या पार्श्वभूमीवर मुंबई, पुणे येथून मोठ्या प्रमाणावर नागरिक जळगावला येत असतात. यामुळे रेल्‍वेच्‍या कित्येक गाड्यांचे आरक्षण फुल झाले आहे. शिवाय, खासगी ट्रॅव्हल्स कंपनीकडून जादा भाडे आकारण्यात येत आहे. यामुळे काही नागरिकांनी महामंडळाच्या बसला पसंती दिली. मात्र आता महामंडळाच्या बसचेदेखील दर वाढल्याने नागरिक चिंतित झाले आहेत. २० ते ३० ऑक्टोबरपर्यंत ही भाडेवाढ लागू असणार आहे.

५ ते ६५ रुपयांनी भाडेवाढ

दिवाळीच्या पार्श्वभूमीवर एसटी महामंडळातर्फे जादा बस सोडण्यात येणार आहेत. मात्र महामंडळाने १० टक्के भाडेवाढ केल्‍याने प्रवाशांना आर्थिक झळ सोसावी लागणार आहे. यात प्रामुख्‍याने जळगावहून पुण्याला जाण्यासाठी प्रवाशांना ६०५ ऐवजी ६६५ रुपये मोजावे लागणार आहेत. मुंबईसाठी ६३५ रुपयांवरून ७०० रुपये इतके भाडे झाले आहे. एकंदरीत महामंडळाने ५ ते ६५ रुपयांपर्यंत भाडेवाढ केली आहे.

ST News
Jalgaon : अनुकंपाधारक कर्मचाऱ्यांच्या नियुक्तीसाठी वारसदांराचा तीव्र संताप!

पुणे मार्गावर रोज वीस बस

सुटीच्‍या कालावधीत पुणे येथून येणाऱ्यांची संख्‍या अधिक आहे. यामुळे या मार्गावर जळगाव विभागातून रोज २० बसचे नियोजन आखले आहे. यात जळगाव येथून सुटण्याची वेळ शिवशाही सकाळी ७.३०, ८.३०, रात्री ८.३०, सायंकाळी ५.३०, परिवर्तन सकाळी ५, रात्री ७.३०. तर शयनयान आसनी रात्री ९ ला जादा गाडी सोडण्यात येणार आहे. तसेच पुण्याहून शिवशाही सकाळी ७, ८, सायंकाळी ५.३०, परिवर्तन रात्री ८, रात्री ९.३०, शयनयान आसनी रात्री ९ याप्रमाणे दिवाळीनिमित्ताने बस वाढविण्यात आल्या आहेत

"दिवाळीनिमित्त प्रवाशांची गर्दी पाहता जादा बसचे नियोजन केले आहे. आतापर्यंत वेगवेगळ्या मार्गांवर १८ जादा बस सोडल्‍या आहेत. शिवाय भाऊबीजेनंतरदेखील जादा बसचे नियोजन असून, यासाठीचे आरक्षण महामंडळाच्‍या वेबसाइटवर ओपन केले आहे."

-भगवान जगनोर, विभाग नियंत्रक, जळगाव विभाग

ST News
Jalgaon PI Beating Case : त्या मारहाण प्रकरणात DYSPच अनभिज्ञ

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com