Teacher Training News : वरिष्ठ, निवड श्रेणी प्रशिक्षण नावनोंदणीसाठी मुदतवाढ

Jalgaon News : महाराष्ट्र राज्य शैक्षणिक संशोधन व प्रशिक्षण परिषद (पुणे) यांच्यातर्फे एकाच वेतनश्रेणीत सलग १२ व २४ वर्षे पूर्ण झालेल्या प्राथमिक, माध्यमिक, उच्च माध्यमिक, कनिष्ठ महाविद्यालयीन शिक्षकांसाठी वरिष्ठ व निवड श्रेणी प्रशिक्षणाचे आयोजन केले आहे.

यात नावनोंदणीसाठी २० जूनपर्यंत मुदतवाढ देण्यात आली आहे. पूर्वी ही मुदत १२ जूनपर्यंत होती. (Extension of time for Senior Selection Category Training Enrollment Jalgaon News)

राज्यातील ज्या शिक्षकांच्या सेवेस ३१ मार्च २०२४ अखेर किंवा त्यापूर्वीच १२ वर्ष पूर्ण होणार आहेत, ते शिक्षक ‘वरिष्ठ वेतन श्रेणी’च्या प्रशिक्षणासाठी पात्र आहेत.

अन्‌ ज्या शिक्षकांच्या सेवेस ३१ मार्च २०२४ अखेर किंवा त्यापूर्वीच २४ वर्षे पूर्ण होणार आहेत, ते शिक्षक ‘निवड वेतन श्रेणी’च्या प्रशिक्षणासाठी पात्र राहणार आहेत.

गेल्या वर्षापासून हे प्रशिक्षण ऑनलाईन पद्धतीने सशुल्क स्वरूपात देण्यात येत आहे. यंदाही या प्रशिक्षणासाठी पात्र शिक्षकांनी २० जूनपर्यंत नावनोंदणी करण्याचे आवाहन करण्यात आले आहे.

हेही वाचा : Credit Card फसवणूक....काय घ्याल काळजी?