खरिपाच्या पेरण्या 97 हजार हेक्टरवर पूर्ण

cotton sowing
cotton sowingesakal

जळगाव : जिल्ह्यात जून महिन्यातही पेरण्या योग्य पाऊस झालेला नाही. आतापर्यंत केवळ ३४.२ मिलिमीटर पावसाची नोंद झाली आहे. बागायती पेरण्यांमध्ये ९३ हजार ६०० हेक्टरवर कापूस पेरा झाला आहे. ऊस २१ हजार हेक्टर, मका १८ हजार हेक्टवर, अशाप्रकारे आतापर्यंत ९७ हजार हेक्टरवर पेरण्या झाल्या आहेत. पेरण्या पूर्ण होण्यासाठी अद्यापही दमदार पावसाची प्रतिक्षा शेतकऱ्यांना आहे.

जिल्ह्यात १२ नंतर १७ जूनला चांगला पाऊस झाला. तरी तो पेरण्या योग्य नाही. यामुळे शेतकऱ्यांनी अजून पेरण्यांना वेग दिलेला नाही. दमदार पावसानंतर पेरण्या वेग घेतील, असा अंदाज आहे. जळगाव शहरासह जिल्ह्यातील काही भागात रविवारी (ता. १९) जोरदार वाऱ्यासह पाऊस झाला. अनेक ठिकाणी पावसाचे पाणी साचल्याचे दिसून आले. मात्र, भुसावळसह इतर ठिकाणी पाऊस झाला नाही. रविवारी दिवसभरात केवळ ६ मिलिमीटर पाऊस झाल्याची नोंद झाली आहे.

cotton sowing
नांदेड : खरीप पेरणीसाठी घाई नको

खरिपाच्या पेरण्या ७ जुलैपर्यंत होतील. तोपर्यंत मान्सूनचे जोरदार आगमन होईल. यामुळे शेतकरी सध्या पेरण्यांची घाई करताना दिसून येत नाही. आताच पेरण्या केल्या आणि पावसाचा खंड पडला, तर पिके पाण्यावाचून जळतील. अनेक ठिकाणी दुबार पेरणीचे संकट येईल. बियाणे, पेरण्यांवर केलेला खर्च वाया जाईल. यामुळे तूर्ततरी शेतकरी दमदार पावसाच्या प्रतिक्षेत आहेत.

आतापर्यंत तालुकानिहाय झालेला पाऊस

तालुका--मिलिमीटर--टक्केवारी

जळगाव--१३--९.६

भुसावळ--३४.८--२८.८

यावल--२४.९--१९.६

रावेर--२९.५--१३.५

मुक्ताईनगर--३३.३--३२

अमळनेर--३८.८--३३

चोपडा--४२.९--३३.६

एरंडोल--३२.१--२६.६

पारोळा--१४.३--११.६

चाळीसगाव--६८.४--५३

जामनेर--४६.७--३३.९

पाचोरा--१६.८--१४.५

भडगाव--४९.१--३८.५

धरणगाव--३५.३--२५.२

बोदवड--१८.८--१५.२

एकूण--३४.३--२७.६

cotton sowing
अकाेला : शेतकरी दमदार पावसाच्या प्रतीक्षेत

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com