Jalgaon Crime News : धक्कादायक! जन्मदात्या बापानेच केला मुलीवर अत्याचार

Jalgaon Crime News : तालुक्यातील एका गावात नात्याला काळिमा फासणारी घटना घडली आहे. जन्मदात्या बापानेच आपल्या नऊ वर्षीय मुलीवर अत्याचार केल्याच्या घटनेने संताप व्यक्त होत आहे.

या प्रकरणी सोमवारी (ता. ५) दुपारी गुन्हा दाखल झाला असून, पोलिसांनी संशयितास ताब्यात घेतले आहे. (father abused her daughter jalgaon crime news)

तालुक्यातील एका गावातील मजूर कुटुंबातील नराधम बापाने त्याची पत्नी आजारी असताना तिला नजीकच्या घरात डॉक्टरांनी सलाईन लावली होती. या वेळी नराधम बाप आपल्या मुलीसोबत घरात झोपला होता. मुलगी एकटी असल्याचा फायदा घेत या नराधम बापाने मुलीवर अत्याचार केला.

सलाईन संपल्यावर आई जेव्हा घरी आली, त्यावेळी मुलीने आईला सर्व आपबीती सांगितली. यानंतर त्याच्या पत्नीने शहर पोलिस ठाण्यात धाव घेत आपल्या पती विरुद्ध तक्रार दिली.

हेही वाचा : Credit Card फसवणूक....काय घ्याल काळजी?

तक्रारीवरून पोलिसांनी नराधम बापाविरोधात गुन्हा दाखल करून संशयितास ताब्यात घेतले आहे.

पोलिस निरीक्षक संदीप पाटील यांच्या मार्गदर्शनाखाली सहायक पोलिस निरीक्षक सचिन कापडणीस तपास करीत आहेत. या पूर्वी देखील दीड, दोन महिन्यांपूर्वी या नराधम बापाने त्याच्या मुलीवर अत्याचार केल्याचे सांगण्यात येत आहे.