Jalgaon : अनियमित वीजपुरवठ्याने फत्तेपूरकर त्रस्त

फत्तेपूर (जि. जळगाव) : फत्तेपूर येथे वीज वितरण कंपनीचे (MSEDCL) उपकेंद्र असून, या उपकेंद्रातून परिसरातील गावांना वीजपुरवठा (Power supply) केला जातो. मात्र, पंधरा दिवसांपासून अनियमित वीजपुरवठा होत आहे. (Fattepur citizens tired by irregular power supply Jalgaon News)

रात्री वीजपुरवठा खंडित होत असतो. सध्या विजेवर सर्वच व्यवसाय अवलंबून आहे. त्यात वीज मिळत नाही. विहिरीत पाणी आहे. मात्र, बांधकाम व्यावसायिक, गवंडी यांचे फारच नुकसान होते. सकाळी कामावर मजूर येतात आणि वीज जाते. त्यामुळे आसारी कापणे, बांधकामावर पाणी मारणे, टाइल्स कटिंग करणे आदी कामे ठप्प होतात. मजूर बसून राहतात. ठेकेदारास मजुरी द्यावीच लागते. अशा सर्वच क्षेत्राला याचा फटका बसत असून, गावातील आर्थिक चक्र मंदावले आहे. त्यामुळे वीज वितरण कंपनीने याकडे तातडीने लक्ष द्यावे, अशी मागणी होत आहे.