...अन्‌ गुलाबराव पाटील कीर्तनाला उभे राहिले! | Sakal
sakal

बोलून बातमी शोधा

gulabrao patil

...अन्‌ गुलाबराव पाटील कीर्तनाला उभे राहिले!

जळगाव : राज्याचे पाणीपुरवठा व स्वच्छता विभागाचे मंत्री तथा जिल्ह्याचे पालकमंत्री गुलाबराव पाटील (Gulabrao Patil) यांच्यातील रसिक आणि परमेश्‍वरावर नितांत श्रद्धा असणारा भाविक ही रूपे अनेकदा दिसून येतात. ते अनेकदा जसे चित्रपटातील गाणी म्हणतात, तसेच भजन, कीर्तनातही रंगतात. काही दिवसांपूर्वीच त्यांनी कव्वालीच्या माध्यमातून भक्तीरंगाचे प्रदर्शन घडविले होते. आता अगदी याच प्रकारे अंजनविहिरी (ता. धरणगाव) येथे सुरू असलेल्या भागवत सप्ताहात मंत्री पाटील यांनी थेट कीर्तनात भाग घेऊन उपस्थितांना चकित केले.

जीवनात परमेश्‍वर भक्ती खूप महत्त्वाची - पाटील

कीर्तनाच्या माध्यमातून संस्कारक्षम जीवनाची दिशा मिळत असल्याचे प्रतिपादन करत त्यांनी जीवनातील परमेश्‍वर भक्तीवर केलेले भाष्य उपस्थितांना मंत्रमुग्ध करून गेले. याच कार्यक्रमात त्यांना दहीहंडीचा सन्मानदेखील प्रदान करण्यात आला. निमित्त होते भागवत सप्ताहाच्या सांगता समारोहाचे. या निमित्त सकाळी काल्याचे कीर्तन सुरू असताना पालकमंत्री पाटील यांनी या संपूर्ण कीर्तनाला उपस्थिती नोंदविली. या ठिकाणी ते दोन तास उपस्थित होते. ते म्हणाले, की जीवनात परमेश्‍वर भक्ती खूप महत्त्वाची आणि आपल्याला ऊर्जा प्रदान करणारी आहे. आपण वर्षभरातून साधारणतः पन्नासेक ठिकाणी कीर्तनाला हजेरी लावत असतो. कीर्तन हे प्रबोधनाचे अतिशय परिणामकारक साधन आहे. कीर्तनातील ज्ञानाचा आपल्याला वैयक्तिक आयुष्यात लाभ झाला असल्याचेही त्यांनी या वेळी नमूद केले.

हेही वाचा: गिरणा परिक्रमा एक चांगली सुरवात...

हेही वाचा: जळगाव : येऊ द्या कोरोना, आम्ही मास्क लावणारच नाही

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top