Jalgaon Unseasonal Rain Damage : जिल्ह्यात अवकाळी, गारपिटीने 18 हजार हेक्टर क्षेत्र बाधित

Jalgaon Unseasonal Rain Damage : शहरासह जिल्ह्यात सोमवारी (ता. २६) रात्री काही ठिकाणी वादळी वाऱ्यांसह गारांचा अवकाळी पाऊस झाला. यामुळे रब्बी पिकांचे मोठे नुकसान झाले आहे. सुमारे १८ हजार ८७५.५१ हेक्टर क्षेत्र बाधित झाले. यात गहू, ज्वारी, मका पिकांचे मोठे नुकसान झाले आहे. एकूण २१५ गावांमधील २१ हजार ६७ शेतकऱ्यांना नुकसानीचा फटका बसला.

कृषी विभागाने पंचनामे सुरू केले आहेत. (Jalgaon 18 thousand hectare area affected by bad weather hailstorm in district)

पारोळा, चाळीसगाव, धरणगाव, चोपडा, अमळनेर या तालुक्यांना गारपिटीचा मोठा फटका बसला. सोमवारी रात्री झालेला अवकाळी पाऊस व गारपिटीमुळे पारोळा तालुक्यातील झालेल्या शेतीच्या नुकसानीची उपविभागीय अधिकारी, तहसीलदार यांनी विविध प्रक्षेत्रांत भेटी देऊन पाहणी केली. मौजे मोंढळे (ता. पारोळा) येथे गारपीट होऊन शेती पिकाचे नुकसान झाले आहे.

तालुकानिहाय झालेले नुकसान असे ः

तालुका--हेक्टर

चाळीसगाव ३५९३

भडगाव ९२३१

अमळनेर ३३९०

पारोळा ६३७५

धरणगाव १३५

चोपडा ४९९०.२०