Jalgaon Crime News : भुसावळला टोळीकडून 12 दुचाकी जप्त; बाजारपेठसह गुन्हे शोध पथकाची कारवाई

Jalgaon Crime News : शहरातील बाजारपेठ पोलिस ठाण्यात दाखल असलेल्या दुचाकी चोरीच्या गुन्ह्याचा तपास करीत असताना गुन्हे शोध पथकाने तीन संशयितांना ताब्यात घेतले. त्यांच्याकडून बारा मोटारसायकली हस्तगत करण्यात आल्या आहेत.

शहरातील बाजारपेठ पोलिस ठाण्यात दुचाकी (एमएच १९, डीएन ४७०४) चोरी झाल्याबाबत गुन्हा दाखल आहे. या गुन्ह्याचा तपास पोलिस कर्मचारी विजय नेरकर करीत असताना गुन्हे शोध पथकाला चोरीच्या एकूण बारा दुचाकी हस्तगत करण्यास यश आले आहे. (Jalgaon Crime 12 bike seized from three suspects in Bhusawal)

गुप्त बातमीच्या अनुषंगाने संशयित शेख बासीद शेख बाबू (वय, रा. सुलतानपुरा, जळगाव जामोद, ह. मु. मोहम्मदनगर भुसावळ), मोहम्मद आयज मोहम्मद एजाज (वय २५, रा. जळगाव जामोद, जि. बुलढाणा), रवींद्र अंबादास घोडसे (वय ४८, रा. पळसोडा, ता. संग्रामपूर, जि. बुलढाणा) यांना ताब्यात घेऊन विचारपूस केली असता त्यांनी गुन्ह्याची कबुली दिली.

तपास दरम्यान तिन्ही संशयितांनी भुसावळ, जळगाव जामोद, बऱ्हाणपूर येथून या दुचाकी चोरी केल्याचे सांगितले. त्याची एकूण किंमत ४ लाख ६५ हजार रुपये आहे. या सर्व दुचाकी जप्त करण्यात आल्या आहे.

ही कारवाई पोलिस अधीक्षक डॉ. महेश्वर रेड्डी, अप्पर पोलिस अधीक्षक अशोक नखाते, डीवायएसपी कृष्णांत पिंगळे यांच्या मार्गदर्शनाखाली बाजारपेठ पोलिस निरीक्षक गजानन पडघन, पोलिस उपनिरीक्षक मंगेश जाधव, विजय नेरकर, यासिन पिंजारी, महेश चौधरी, समाधान पाटील, नीलेश चौधरी, रमण सुरळकर.

उमाकांत पाटील, दिनेश कापडणे, आदींनी केली. संशयितांना न्यायालयात हजर केले असते दोन दिवसांची पोलिस कोठडी देण्यात आली आहे. पोलिस कर्मचारी विजय नेरकर तपास करीत आहेत.