Jalgaon Crime News : मक्याच्या शेतात सव्वा एकरवर गांजा लागवड; स्थानिक गुन्हेशाखेची चोपडा मेलाण्यात कारवाई

Jalgaon Crime News : चोपडा तालूक्यात मेलाणे शेत शिवारात सव्वा एकर मक्याच्या शेतात मधोमध गांजाची लागवड केल्याचे आढळून आले. स्थानिक गुन्हे शाखेच्या पथकाने मंगळवारी (ता.१२) छापा मारुन तब्बल ४४ लाख १० हजार रुपये बाजारमुल्याचा ९८० किलो ओल्या गांज्याचे पिक उपटून जप्त केले. (Jalgaon Crime Marijuana planted on a quarter acre in corn field Action of local crime branch)

चोपडा शहरापासून साधारण तीस किलोमिटर आत सातपुडा पर्वत रांगेच्या पायथ्याशी मेलाणे गावात स्थानिक गुन्हे शाखेच्या पथकाने हि कारवाई केली. शेतमालक अर्जुन सुमाऱ्या पावरा (वसावे, वय ५०) या शेतकऱ्याला अटक करुन अंमलीपदार्थ विरोधी कायद्यान्वये गुन्हा दाखल करण्यात आला आहे.

जिल्‍ हापोलिस अधिक्षक कार्यालयाकडून दिलेल्या माहीतीनुसार, सातपुडा पर्वत रांगेत मेलाणे गावात सव्वा एकर शेतात गांजाची लागवड केल्याची गुप्त माहिती स्थानिक गुन्हे शाखेचे वरिष्ठ निरीक्षक किसनराव नजनपाटील यांना मिळाली होती.

प्राप्त माहितीची खात्री करण्यासाठी संदिप मांडोळे, संदिप पाटिल दोघे मेलाणे शिवारात मक्याच्या शेतात गांजाची लागवड केल्याचे आढळून येताच पोलिस अधीक्षक डॉ.महेश्वर रेड्डी यांच्या मार्गदर्शनात, अप्पर अधीक्षक कविता नेरकर. (latest marathi news)

डीवायएसपी डॉ. कृणाल सोनवणे, यांच्यासह वरिष्ठ निरीक्षक किशन नजन पाटिल, आपल्या पथकासह धडकले. मक्याच्या शेतात गांजाची लावड करुन हे पिक साधारण चार ते पाच फुट उंचीचे झाल्याचे आढळून आले.

शिवाराला पोलिसांचा घेराव..

गांजाच्या शेतावर कारवाईसाठी वरिष्ठपोलिस अधीकार्यांसह वनविभागाचे अधिकारी कमल ढेकले, नायब तहसीलदार रविंद्र महाजन, छायाचित्रकार, वजनकाटा असा लवा जमा दाखल झाल्यावर सहाय्यक निरीक्षक अमोल मोरे, सहाय्यक फैाजदार युनूस शेख, सुनील दामोदरे, संदिप पाटिल, गोरख बागुल,दर्शन ढाकणे.

अशोक पाटिल, बबन पाटिल अशांच्या पथकाने शेताला घेराव घालत गांजा पिकाची कापणी करवुन घेत पंचनामा करुन गांज्याचे पिक जप्त करुन शेतमालक अर्जुन सुमाऱ्या पावरा (वसावे, वय ५०) या संशयितास पोलिसांनी ताब्यात घेतले असून अधिक तपास सुरु आहे.