जळगावमधून भीषण आगीची घटना समोर आली आहे. जळगावमधील एमआयडीसी परिसरातील केमिकल कंपनीला भीषण आग लागली. यामध्ये आगीत चार जण अडकल्याची भीती व्यक्त केली जात आहे. या घटनेमुळे परिसरात एकच खळबळ उडाली आहे. आगीवर नियंत्रण मिळवण्याचे प्रयत्न सुरू आहेत.
मिळालेल्या माहितीनुसार मोरया केमिकल कंपनीला सकाळी नऊ वाजण्याच्या सुमारास आग लागली. आग लागल्यानंतर कंपनीत केमिकलचा मोठा स्फोट झाला. घटना घडली तेव्हा काही कामगार कंपनीत काम करत होते. या दुर्घटनेत काही कर्मचारी जखमी झाले आहेत. तर कंपनीत काम करणारे चार कर्मचारी कंपनीमध्ये अडकल्याची भीती व्यक्त केली जात आहे.
आगीची माहिती मिळताच जळगाव अग्निशमन दलाचे पथक घटनस्थळी दाखल झाले आहे. तीस ते चाळीस अग्निशमन दलाची वाहने घटनास्थळी दाखल झाली. मात्र अद्याप आगीवर नियंत्रण मिळवण्यात यश आलेलं नाही. आग कशामुळे लागली याचे कारण अद्याप अस्पष्ट आहे.
केमिकलचा स्फोट होत असल्याने आग आणखी वाढली आहे. आगीचे लोट हवेत दूरवर पसरले आहेत. आग अटोक्यात येत नसल्याने आसपासच्या परिसरातील नागरिकांमध्ये भीतीचं वातावरण पसरलं आहे.आगीवर नियंत्रण मिळवण्याचे प्रयत्न सुरू आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.