Jalgaon News : भुसावळ, चोपडा, चाळीसगावला अतिवृष्टी! रिपरिपीने जनजीवन विस्कळित

Jalgaon News : शहरासह जिल्ह्यात रविवार (ता. १४)पासून पावसाचा जोर कायम होता. रविवारी रात्रीही दमदार पाऊस झाला. सोमवारी (ता. १५) सकाळी दहाच्या सुमारास भुसावळ शहरात ढगफुटीसदृश्‍य पाऊस झाला. ३० मिनिटांत २३ मिलिमीटर पावसाची नोंद झाली. गेल्या २४ तासांत चोपडा, चाळीसगाव, पारोळा तालुक्यांतील काही मंडलात अतिवृष्टी झाली आहे. गेल्या २४ तासांत ३१.४ मिलिमीटर पावसाची नोंद झाली आहे. सोमवारी दुपारपासून पावसाने उघडीप दिली. यामुळे नागरिकांनी बाजारात खरेदीसाठी गर्दी केली होती. (Jalgaon Heavy rain in Bhusawal Chopra Chalisgaon)

महामार्गावर काही दिसेनासे

सोमवारी सकाळी दहाच्या सुमारास भुसावळ शहरासह परिसरात अचानक अंधारून आले. त्यानंतर लागलीच मुसळधार पावसास सुरवात झाली. जोरदार पावसाने समोरचा व्यक्तीही दिसेनासा झाला होता. राष्ट्रीय महामार्गावर वाहनांना वाहनाचे दिवे, इंडीकेटर लावून वाहन चालवावे लागत होते. दुचाकीस्वारांना वाहनच चालविता येत नव्हते. एवढा धुव्वाधार पाऊस सुरू होता. अर्धा ते पाऊणतास झालेल्या जोरदार पावसाने महामार्गावर व सर्व्हिस रोडवरही पाणी साचले होते. (latest marathi news)

२४ तासांत पडलेला पाऊस

तालुका--मिलिमीटर

जळगाव--२७.६

भुसावळ--३१.५

यावल--२४.४

रावेर--२३.३

मुक्ताइनगर--९.८

अमळनेर--२१.८

चोपडा--२७.४

एरंडोल--३९.०

पारोळा--७१.३

चाळीसगाव--५३.३

जामनेर--२६.४

पाचोरा--३४.३

भडगाव--२९.५

धरणगाव--२५.४

बोदवड--२९.४

एकूण--३१.४

अतिवृष्टी झालेली मंडले

*गोरगावले (ता. चोपडा)--८४.३

*उत्राण (ता. एरंडोल)--७७.५

*तामसवाडी (ता. पारोळा)--८९.८

*बहादरपूर (ता.पारोळा)--७७.५

*तळेगाव (ता. चाळीसगाव)--७५

*हताळे (ता. चाळीसगाव)--८६.८