Jalgaon Accident News : जळगाव-पाचोरा बस झाडावर आदळली; चालकाचे नियंत्रण सुटले

Jalgaon News : शिरसोली (ता. जळगाव) जवळील पेट्रोलपंपानजीक बुधवारी (ता. ३) दुपारी साडेचारच्या सुमारास चालकाचे नियंत्रण सुटल्याने खासगी बस झाडावर धडकली. सुदैवाने यात जीवितहानी टळली. बसमधील प्रवासी जखमी झाले. (Jalgaon Pachora bus hits tree jalgaon accident news)

जखमींना शासकीय वैद्यकीय महाविद्यालयात तर काहींना खासगी रुग्णालयात दाखल केले आहे. पब्लिक मारच्या भितीने अपघातानंतर चालक बस सोडून पसार झाला.

यात रिना श्रीराम मोहन (वय १५, रा. पाचोरा), नूरबानो जमील बागवान (४४), नम्रा जमील बागवान (२०, रा. पाचोरा) आणि ओंकार तुकाराम पाटील (६५, जाम्हणे, ता. पाचोरा) हे प्रवासी किरकोळ जखमी झाले आहेत. या अपघातप्रकरणी पोलिसात कोणतीही नोंद झालेली नव्हती.

हेही वाचा : संतुलित आहारातून रोखा फॅटी लिव्हरचा आजार

प्रवाशांच्या जिवाशी खेळ

जिल्‍ह्यात पाचारेा-जळगाव, जळगाव-भुसावळ, जळगाव-यावल, रावेर, जळगाव-धरणगाव-अमळनेर या मार्गांवर क्षमतेपेक्षा जास्त प्रवासी वाहतूक सर्रास सुरू आहे. याकडे जळगाव उपप्रादेशिक परिवहन कार्यालय, वाहतूक पोलिस किंवा महामार्ग पोलिसांचे दुर्लक्ष झाले आहे. यामुळे प्रवाशांचा जीव धोक्यात आला आहे.