Jalgaon News : शिवसेना ठाकरे पक्षाच्या उमेदवार आज ठरणार; जळगाव लोकसभा

Jalgaon News : जळगाव लोकसभा मतदार संघ महाविकास आघाडीत शिवसेना उद्धव बाळासाहेब ठाकरे गटाकडे जाण्याचे निश्‍चीत झाले असून पक्षाचा उमेदवार ठरविण्यासाठी शनिवारी (ता.९) मुंबईत मातोश्रीवर बैठक होत आहे.

उद्धव बाळासाहेब ठाकर गटाचे पक्ष प्रमुख उद्धव ठाकरे यांच्या उपस्थितीत सकाळी अकराला शिवसेनेची बैठक होणार आहे. त्यात,जळगाव लोकसभेचा उमेदवार निश्‍चितीबाबत चर्चा होणार आहे. (Jalgaon Shiv Sena Thackeray party candidate will decide today)

बैठकीसाठी जिल्ह्यातील सर्व पदाधिकाऱ्यांना मुंबईत आमंत्रित करण्यात आले आहे. जळगाव लोकसभा मतदार संघातून शिवसेना ठाकरे पक्षातर्फे जळगाव महापालिकेचे माजी उपमहापौर कुलभूषण पाटील व पारोळा येथील पक्षाचे जिल्हा प्रमुख हर्षल माने यांच्या नावाची चर्चा आहे. पक्षाबाहेरील आयात इच्छुकाला उमेदवारीची चर्चा झाली होती.

त्यामुळे पक्षाचे प्रमुख उद्धव ठाकरे हे सर्व पदाधिकाऱ्यासोबत चर्चा करून उमेदवार निश्‍चीत करणार आहेत. (latest marathi news)

नाशिकला खासदार संजय राऊत यांच्या उपस्थितीत नुकतीच बैठक होउन जळगाव लोकसभेच्या उमेदवारीबाबत प्राथमिक चर्चा झाली.

जिल्हा संपर्कप्रमुख संजय सावंतही उपस्थित होते.या बैठकित झालेल्या चर्चेचा प्राथमिक अहवाल पक्ष प्रमुख उद्धव ठाकरे यांना देण्यात आला होता. त्यानुसार आता उमेदवारी देण्याबाबत अंतिम निर्णय होणार असल्याचे सांगण्यात आले. जिल्ह्यातील सर्व प्रमुख पदाधिकारी उपस्थित राहणार आहे. बैठकित दोघांपैकी एक नाव निश्‍चित होणार की आयात उमेदवाराला संधी दिली जाणार याकडे लक्ष आहे.