जळगाव : जावयाला मुलगा मानून लावला दुसरा विवाह!

जळगावातील ॲड. संजय राणे अन्‌ कुटुंबाचा आदर्शवत निर्णय
जावयाला मुलगा मानून लावला दुसरा विवाह!
जावयाला मुलगा मानून लावला दुसरा विवाह!sakal

जळगाव : कोरोना संसर्गामुळे विवाहित कन्येला गमावणाऱ्या पालकांनी जावई व दोन नातींचे कुटुंब पुन्हा फुलविण्यासाठी पुढाकार घेत जावयाचा विवाह लावून समाजासमोर आदर्श निर्माण केला आहे.

जळगाव येथील सुप्रसिद्ध विधिज्ञ व भोरगाव लेवा पंचायतीचे सचिव ॲड. संजय राणे यांचे थोरले बंधू मिलिंद मनोहर राणे (रा. अहमदाबाद) यांची कन्या कोमल हिचा विवाह अहमदाबाद येथील सुजीत महाजन यांच्याशी झाला होता. कोरोनाच्या दुसऱ्या लाटेत संसर्गामुळे कोमलचे ३ मे २०२१ ला निधन झाले. कोमल व सुजीत यांना उर्वी व चार्वी अशा दोन मुली आहेत.

जावयाला मुलगा मानून लावला दुसरा विवाह!
नागपूर शहराच्या सीमेवर सशस्त्र दरोडा

त्या दोघी लहान आहेत. त्यामुळे कोमलच्या पश्‍चात सुजीत यांचे पुढील आयुष्य व मुलींच्या संगोपनाचा प्रश्‍न होता. सुजीत यांचा संसार पुन्हा फुलविण्यासाठी ॲड. संजय राणे यांनी कुटुंबात पुढाकार घेतला. ॲड. राणे यांनी सुजीत यांचा दुसरा विवाह करण्याचे सुचविले. सुजीतही तयार झाले.

त्यातूनच नशिराबाद (ता. जळगाव) येथील विनोद रोटे यांची घटस्फोटित कन्या लिनाचे स्थळ समोर आले. राणे- महाजन कुटुंबीयांच्या संमतीने रीतसर विवाह जुळणी झाली. सुजीत व लिनाचा गंधर्व विवाह नुकताच पार पडला. जुन्या परंपरा मोडून कुटुंब पुन्हा फुलविण्याचा राणे, महाजन व रोटे कुटुंबाचा हा प्रयत्न समाज परिवर्तनाचा नवा माईलस्टोन रोवणारा असून समाजासमोर आदर्श घडविणारा आहे.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com