Jalgaon Crime News : वृद्धाचा अश्‍लील व्हिडिओ बनवून 43 लाखांना गंडा

Jalgaon Crime News : व्हिडिओ कॉल करून अज्ञात महिलेने एका ६५ वर्षीय वृद्धासह नग्न व्हिडिओ शूट केला. त्यानंतर त्याला तो व्हिडिओ सोशल मीडियावर व्हायरल झाला असून, तो डीलीट करायच्या नावाखाली या वृद्धाकडून ४३ लाख तीन हजार ४९० रुपयांची खंडणी उकळल्याची घटना जळगावात घडली आहे. सायबर पोलिस ठाण्यात या प्रकरणी गुन्हा दाखल झाला.

शहरातील शिवाजीनगर येथे वास्तव्यास असलेल्या ६५ वर्षीय वृद्धाला सायबर गुन्हेगारांनी आपल्या जाळ्यात ओढले. (making an obscene video of old man and extorting Rs 43 jalgaon crime news)

२५ जानेवारी ते २ फेब्रुवारी २०२४ दरम्यान वेळोवेळी पूजा शर्मा, संजय माथूर (मोबाईल ९३९५३३८४५६, ८८१७५०८६५७), राहुल शर्मा (६००२१२७६०४, ८०५८४४१९६०) अशा वेगवेगळ्या व्यक्तींच्या मोबाईल क्रमांकावरून मॅसेज आणि व्हिडिओ कॉल करून अश्‍लील संभाषण केले.

ऑनलाइन पद्धतीने या वृद्धास कपडे काढण्यास सांगून तसाच व्हिडिओ रेकॉर्ड करून हा व्हिडिओ यूट्यूबवर व्हायरल झाला असून, तो डीलीट करायचा असेल तर पैसे द्यावे लागतील.

अन्यथा तुमच्या घरी पोलिस पाठवून कारवाईची पीडित वृद्धाला धमकी दिली आणि ब्लॅकमेल करून त्यांच्याकडून वेळोवेळी ४३ लाख तीन हजार ४९० रुपयांची खंडणी ऑनलाइन पद्धतीने उकळली.

जगणं असह्य झाल्याने पोलिसांत धाव

त्रास असह्य झाल्यावर पीडित वृद्धाने शेवटी जळगाव सायबर पोलिसांत संजय माथूर आणि राहुल शर्मा असे बनावट नाव सांगणाऱ्या मोबाईलधारक व बँक खातेधारकाविरुद्ध तक्रार दिली. या प्रकरणी विविध कलमांन्वये सायबर पोलिसांत गुन्हा दाखल झाला असून, पोलिस निरीक्षक शिल्पा पाटील तपास करीत आहेत.