Jalgaon News : मांजरोद-जळगाव एसटी बसचा अपघात

धानोरा : येथील जळगाव रस्त्यावरील हॉटेल कलर गार्डनजवळील वळण रस्त्यावर गुरुवारी (ता. ५) सकाळी साडेआठला बसचा अपघात झाला. मांजरोद जळगाव ही बस दुचाकीस्वारास वाचवण्याच्या प्रयत्नात रस्त्याच्या कडेला असलेल्या खड्ड्यात जाऊन आदळली.

यात वाहक व दोन प्रवासी किरकोळ जखमी झाले आहे. चालकाने प्रसंगावधान दाखवल्याने मोठी दुर्घटना टळली असून ग्रामस्थांनी प्रवाशांना बाहेर काढण्यासाठी मदत केली. (Manjrod Jalgaon ST bus accident Bike driver rescued passengers injured Jalgaon News)

हेही वाचा : द मिसिंग टाइल सिंड्रोम ठेवा आपल्यापासून दूर

मांजरोद-जळगाव बस (एमएच १४ बीटी २३६४) चालकाने वळण रस्त्यावर दुचाकीचालकाला वाचविण्याच्या प्रयत्नात अचानक ब्रेक लावली. बस रस्त्याच्या कडेला असलेल्या खड्ड्यात गेली. बसचा दरवाजा दबला गेल्याने प्रवाशांना संकटकालीन मार्गातून ग्रामस्थांनी बाहेर काढले.

बसमध्ये सतरा प्रवासी प्रवास करत होते. वाहक हेमंत पवार यांना पायाला मार लागला होता. त्यांना धानोरा येथील प्राथमिक आरोग्य केंद्रात डॉ. उमेश कवडीवाले यांनी प्रथमोपचार केले. अपघात स्थळी एका खासगी डॉक्टरांनी जखमी प्रवाशांना मलमपट्टी केली.

दरम्यान बसमध्ये एक पेशंट डायलिसिससाठी जळगाव येथील दवाखान्यात आपल्या रुटीन चेकअपसाठी जात होते. मात्र, अपघात घडल्याने तो रुग्ण घाबरून गेला. त्या धक्क्यातून त्या प्रवाशाला सावरत प्रवाशांना दुसऱ्या बसमध्ये बसवून जळगाव जाण्यासाठी रवाना केले.