डॉक्टर दांपत्य बाहेर असताना चोरट्यांनी केले घर साफ

सावदा (जळगाव) : येथील स्त्रीरोग व प्रसूती तज्ञ डॉक्टर दांपत्याचे घराचे कुलुप उघडून कपाटतील सोने व रोख रक्कमेसह 70 हजार रूपयांची चोरी झाल्याची घटना येथे घडली.  
सावदा येथील डॉ. चेतन कोळंबे हे पंजाब नेशनल बँकेच्‍या मागे राहतात. ते पत्नीसह कामानिमित्त बाहेरगावी गेले होते. दरम्यान 26 जानेवारीचे सकाळी 6 ते 27 जानेवारीच्‍या रात्री अकरा वाजेदरम्यान अज्ञात चोरट्यांनी त्यांच्‍या घराच्‍या दाराचे कुलुप उघडून घरात प्रवेश केला आणि बेडरूमचे दरावाजाचे कुलुप तोडले. आत प्रवेश करून गोदरेज कपाटाचे कुलुप तोडले आणि आत ठेवलेले 30 हजार रुपये रोख तसेच 40 हजार रुपये किंमतीचे सोन्याचे दागिने लांबविले.

दुसऱ्या दिवशी घटना उघड
डॉ. कोळंबे व त्यांच्या पत्नी बाहेर गावाहुन घरी परत आल्यावर घरात चोरी झाल्याचे त्यांच्या लक्षात आले. लागलीच त्यांनी ही माहिती पोलिसांना दिली असता पोलिसांनी घटना स्थळाचा पंचनामा केला. श्वान पथकास पाचारण करण्यात आले. त्याने घरातच घुटमळला, सदर ठिकाणी फिंगर प्रिंट देखील घेण्यात आले असून याप्रकरणी डॉ. चेतन कोळंबे यांचे फिर्यादी वरुन अज्ञात चोरट्या विरोधात गुन्हा दाखल करण्यात आला आहे. पुढील तपास सपोनी देवीदास इंगोले यांचे मार्गदर्शना खाली पोहेकॉ महेमुद शहा, वसीम पठाण, सुरेश अठाईगे व सहकारी करीत आहे.  

संपादन ः राजेश सोनवणे