रोहिणी खडसेंचे चंद्रकांत पाटलांना आव्हान; तापी पुलाचा श्रेयवाद

रोहिणी खडसेंचे चंद्रकांत पाटलांना आव्हान; तापी पुलाचा श्रेयवाद
rohini khadse
rohini khadserohini khadse

मुक्ताईनगर (जळगाव) : शहरातील जुने गावातील नागेश्वर मंदिराकडून जुने कोथळी येथील श्रीक्षेत्र मुक्ताबाई मंदिरात जाताना रस्त्यात असलेल्या पुलाचे श्रेय आमदार चंद्रकांत पाटील (chandrakant patil) यांनी घेऊ नये. हा पूल माजी मंत्री एकनाथराव खडसे (eknath khadse) यांनी मंजूर करून त्यावर निधी आणला असल्याने आमदारांनी श्रेयवादाचा केविलवाणा प्रयत्न करू नये, असे आवाहन जिल्हा बँकेच्या अध्यक्षा ॲड. रोहिणी खडसे - खेवलकर (rohini khadse) यांनी पत्रकार परिषदेत केले. (muktainagar tapi river briage rohini khadse chandrakant patil)

बोदवड कृषी उत्पन्न बाजार समितीचे सभापती निवृत्ती पाटील चंद्रशेखर बडे, माजी सभापती राजेंद्र माळी, पांडुरंग नाफडे आदींची यावेळी उपस्थिती होती. नागेश्वर मंदिराकडून जुन्या मुक्ताबाईकडे जाताना रस्त्यात ढासळलेला पूल असून, त्या पुलाचे भूमिपूजन मंगळवारी (ता. ४) आमदार चंद्रकांत पाटील यांच्या हस्ते करण्यात आले. यावरून जिल्हा बँकेच्या अध्यक्षा ॲड. रोहिणी खडसे- खेवलकर यांनी मुक्ताईनगर संवेदना फाउंडेशनच्या कार्यालयात पत्रकार परिषद घेतली.

rohini khadse
जळगाव मनपात सत्‍तांतर; पण भाजप- शिवसेनेचे शाब्‍दीक वार

यापुर्वीच दीडशे लाख रूपये मंजूर

चांगदेव मंदिर मानेगाव, जुनी कोथळी गजानन महाराज मंदिर मुक्ताईनगर ते राज्य महामार्ग सहा रस्ता प्रजिमा ९१ मध्ये निंबा देवी मंदिराजवळ मोठ्या पुलाची पुनर्बांधणी करण्यासंदर्भात माजी मंत्री एकनाथ खडसे हे आमदार असतानाच तत्कालिन महसूल, कृषी, मदत, पुनर्वसन व सार्वजनिक बांधकाम मंत्री चंद्रकांत पाटील यांच्याकडे या पुलाची पुनर्बांधणी करण्यासंदर्भात मागणी केली होती. या पुलासाठी १५० लाख रुपये मंजूर देखील करण्यात आले आहे. मात्र, पुलासाठी निधी आल्यानंतर आमदार चंद्रकांत पाटील यांनी भूमिपूजन करून श्रेय घेण्याचा प्रयत्न चालवलेला आहे.

rohini khadse
परिवार घरात झोपलेला असताना लाखोंचे दागिने लंपास

..तर जाहीर सत्कार करू

आमदार चंद्रकांत पाटील यांनी स्वतः केलेल्या कामाचेच श्रेय घ्यावे. इतरांनी केलेल्या कामाचे श्रेय घेण्याचा केविलवाणा प्रकार त्यांनी करू नये, असा आरोप करत श्रेयच घ्यायचे असेल तर आमदारांनी मेळसांगवे- पंचाने- सुलवाडी- ऐनपूर - रावेर हा तापी नदीवरील पूल करून दाखवावा, असे जाहीर आव्हान त्यांनी दिले. जर हा पूल केला तर त्यांचा आम्ही जाहीर सत्कार करू, असे रोहिणी खडसे यांनी पत्रकार परिषदेत सांगितले.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com