esakal | कोरोनामूळे महामार्गाच्या चौपदरीकरणाला गती मिळेना !

बोलून बातमी शोधा

jalgaon city higway work
कोरोनामूळे महामार्गाच्या चौपदरीकरणाला गती मिळेना !
sakal_logo
By
देविदास वाणी

जळगाव ः शहरातील महामार्ग चौपदरीकरणाचे काम अतिशय कासवगतीने सुरू आहे. मार्चअखेरपर्यंत मुदत असतानाही चौपदरीकरणाचे काम पूर्ण होता होईना, अशी स्थिती आहे. महामार्गाचे काम सुरू होऊन वर्षभरापेक्षा अधिक काळ उलटला आहे. दुसरा पावसाळा तोंडावर आहे. तरीही उड्डाणपुलासह चौपदरीकरणाचे काम पूर्ण झाले नाही.

हेही वाचा: मनपा प्रशासन झोपेतच; ट्रेसिंग, टेस्टिंग विलगीकरणापर्यंतच मजल

शहरातून गेलेला महामार्ग मृत्यूचा सापळा झाला आहे. अनेक निरपराध नागरिकांचे अपघातात बळी गेले आहेत. या मुळेच महामार्गाचे चौपदरीकरणाचे काम सुरू झाले. सहा महिन्यांची मुदत असताना वर्ष उलटले तरी विविध कारणांनी काम अद्यापही थंड बस्त्यात आहे. या कामामुळे अनेक ठिकाणी वाहतुकीची कोंडी होतेच, शिवाय धूळही उडते. अनेक ठिकाणी काम सुरू असल्याबाबत किंवा वळण रस्ता असल्याबाबत फलक नसल्याने अनेक वाहनांचे अपघात झालेले आहेत.

हेही वाचा: ट्रेसिंग, टेस्टींग, ट्रीटमेंट’ त्रिसूत्रीचा राऊत पॅटर्न !

अपघाताचे प्रमाण वाढले

महामार्गाच्या कामात प्रभाग कॉलनी, गुजराल पेट्रोलपंप, दादावाडी व्हेईकल अंडरपास (बोगदे) आहेत. या कामाला सहा महिन्यांपेक्षा अधिक काळ उलटला तरी एकाही बोगद्याचे काम पूर्ण झालेले नाही. बायपास मार्गावरून जाताना रस्त्यावरील खडी, धुळीचा त्रास नागरिकांना सहन करावा लागतो. रात्रीच्या वेळी बायपास आहे की समोरचा रस्ता आहे, याचे आकलन वाहनधारकांना होत नसल्याचे अपघाताचे प्रमाण वाढले आहे.

हेही वाचा: सोने पुन्हा चकाकणार..प्रतितोळा ५० हजार भाव जाणार !

जिल्हाधिकाऱ्यांच्या सूचनांकडे दुर्लक्ष

जिल्हाधिकारी यांनी जानेवारी महिन्यात राष्ट्रीय महामार्ग प्राधिकरणाचे अधिकारी, कंत्राटदार, महापालिका आयुक्त, महापालिकेचे अभियंता यांची बैठक घेऊन कामातील अडथळे दूर करण्याचे व कामाची गती वाढविण्याच्या सूचना दिल्या होत्या. त्याकडे साफ दुर्लक्ष झाल्याने कामाला विलंब होत आहे.

संपादन- भूषण श्रीखंडे