जळगाव : केाल्हाडी(ता.बोदवड) येथील शेतातून बारा वर्षीय बालीकेला फुस लावून पळवून नेणाऱ्या दोघा तरुणांना गुन्हेशाखेने इंदैार येथून ताब्यत घेत पिडीतेची सुटका केली. चित्रपटातील कथानका प्रमाणे मुलीला दुचाकीवर घेवून दोघे मित्र मंगळवार(ता८) दुपार पासुन घेवून पसार झाले होते.
कोल्हाडी (ता.बोदवड) शिवारात सालदार म्हणुन कार्यरत दाम्पत्याची १२ वर्षीय मुलगी स्मिता आई-वडीलांसोबत शेतात काम करायची. शेजारीच एका शेतात प्रकाश रतन बाविस्कर(वय-२२) हा त्याचा मित्र गणेश सुनील राणे(वय-१९) कडे येत होता. साधारण दोन महिन्यांपुर्वीच प्रकाशने स्मिताशी ओळखी केली होती. बारावर्षीय मुलीला भेटवस्तू व लग्नाचे आमिष दाखवत मंगळवारी (ता.८) रेाजी दुपारी दुचाकीने पळवून नेले. जातांना पेट्रोल पंपावर दुचाकीत पेट्रोल भरतांना मुलीच्या मैत्रिणींनी बघीतले होते. त्यांना हुलकावणी देत तिघे निसटले.
घडल्या प्रकारात मुलगी संध्याकाळी उशिरा घरी न पेाचल्याने आई वडीलांनी पोलिस ठाणे गाठून तक्रार दिली.दाखल गुन्ह्यात पेालिस अधीक्षक डॉ.प्रवीण मुंडे, अप्पर अधीक्षक चंद्रकांत गवळी, निरीक्षक किरणकुमार बकाले यांनी प्रकरणाचे गांभीर्य ओळखत रात्रीतून तपासचक्रे कार्यान्वीत केली. प्रकाश बावस्कर हा इंदौरकडे निघाल्याची खात्री होताच..पथकातील राजेंद्र पाटिल,कमलाकर बागुल,दिपक पाटील व तांत्रिक तज्ञ नरेंद्र वारुळे, विजय पाटिल अशांनी पिच्छा पुरवुन दिवस उजाडताच इंदौर येथे सुशिला नारायण भुसारी यांच्या घरातून देाघा संशयीतांना ताब्यात घेत पिडीतेची सुखरुप सुटका केली.
संपादन- भूषण श्रीखंडे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
