जळगाव ः कोरोना झाल्याचे कळताच प्रत्येकाच्या मनात धडकी भरते. आता काही खरे नाही याची धास्ती असते. त्यातल्या त्यात पत्नीला कोरेाना झाल्याचे म्हटल्यावर पतीसह मुलेही अर्धमेली होतात. मात्र मनावर ताबा ठेवत येथील नटेश्वर डान्स क्लबचे संचालक, पत्रकार नरेश बागडे यांनी पत्नीला-राधीका बागडे कोविड केअरला दाखल केले. तिच्यावर वेळेवर उपचार केले. ती कोरोनामुक्त होवून घरी आल्यानंतर आज त्याने पत्नीची चक्क आरती करून स्वागत केले.
गेल्या १२ एप्रिलपासून नरेशची पत्ती राधिका बागडे हिला कोरोनाची लागण झाली. दोघांच्या मनात धडकी भरली की आता कसे होईल, काय होईल? पण कोरोनाचा संकटाचा सामना करत असतानाच त्याने इकरा कोविड केअर सेंटरमध्ये तिला दाखल केले. १५ एप्रिलला ऑक्सीजनवर ठेवले.नंतर तिची तब्येत बरी झाली. आज तिचा अहवाल निगेटीव्ह आल्याने तो कोरोना मुक्त झाली. ती घरी येताच नरेशने तिचे आरती ओवाळून स्वागत केले. एरवी पतीचे, मुलाचे औक्षण पत्नी करते. मात्र आज पत्नी मोठ्या संकटातून बरी हेावून घरी परतल्याचा नरेशच्या आनंदाला पारावार नव्हता.
राधीका रुग्णालयात असताना नरेश तिला जेवणाचा डबा देण्यास, औषधी देण्यास जात होता.त्याला कोरोनाची बाधा झाली. मात्र लक्षणे अधिक नसल्याने डॉक्टरांनी त्याला घरीच औषधोपचार घेण्यास सांगीतला. त्यातून तोही आता बरा झाला आहे. यात सचिन लढढा, अविनाश दुसाने, विजय बागडे, विश्वजीत चौधरी, निलेश जोशी, डॉ.प्रशांत मंत्री, डॉ.महेंद्र पाटील, इकरा यूनानीचे डॉ. राजेश जैन, डॉ.नरेंद्र पाटील यांनी मोलाच सहकार्य केले.
संपादन- भूषण श्रीखंडे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
