Jalgaon : रात्रगस्तीला वाळू नेणारा ट्रॅक्टर जप्त

जळगाव : शहरातून अवैधरीत्या वाळूची वाहतूक (Sand Transport) करणारे ट्रॅक्टर (tractor) अडवून शहर पोलिसांनी गुन्हा (Crime) दाखल केला आहे. शहर पोलिसांतर्फे नुकतेच ऑलआऊट (All Out Scheme) स्कीम राबवली गेली. (sand transport Tractor seized Jalgaon Crime News)

रात्रभर गस्तीवर असलेल्या शहर पोलिसांचे पथक शनिवारी पहाटे केसी पार्क परिसरात गस्त घालत असताना विनापरवाना अवैधरीत्या वाळूची वाहतूक करणारे ट्रॅक्टर पोलिसांनी पकडले. चौकशी केली असता चालकाकडे वाळू वाहतुकीचा कुठलाही परवाना नव्हता. परिणामी ट्रॅक्टरसह ट्रॅक्टरमधील दीड ब्रास वाळू पोलिस पथकाने जप्त केली आहे. याप्रकरणी पोलिस नाईक राजकुमार चव्हाण यांच्या फिर्यादीवरून ट्रॅक्टर चालक नवदीप पाटील (वय २२, रा. चंदूअण्णानगर) व ट्रॅक्टर मालक जितेंद्र कोळी (वय २७, रा, नीमखेडी) अशा दोघांविरुद्ध पोलिस ठाण्यात गुन्हा दाखल करण्यात आला आहे. पुढील तपास पोलिस उपनिरीक्षक दत्तात्रय पोटे करीत आहेत.