Aditya Thackeray Jalgaon Daura : शिवसेना नेते आदित्य ठाकरे आज जळगाव जिल्हा दौऱ्यावर

जळगाव : शिवसेना ठाकरे गटाचे नेते आमदार आदित्य ठाकरे उद्या गुरुवारी (ता.१५) जळगाव जिल्हा दौऱ्यावर येत आहेत. दुपारी बाराला त्यांची जळगाव येथे सुभाष चौकात त्यांची जाहीर सभा होणार आहे. या शिवाय शिरसोली, कासोदा व भडगाव येथेही जाहीर सभा होणार आहे.

लोकसभा निवडणुकीच्या निमित्ताने जळगाव जिल्ह्याच्या दौऱ्यावर येत आहे. (Shiv Sena leader Aaditya Thackeray visit Jalgaon district today news)

महाविकास आघाडीत जळगाव लोकसभा मतदार संघ शिवसेना ठाकरे गटाला मिळण्याची शक्यता आहे. त्यादृष्टीनेही त्यांचा हा दौरा आहे.

सकाळी अकराला रेल्वेने ते जळगावात येणार आहेत. त्यानंतर साडे अकराला सुभाष चौक येथे त्यांची जाहीर सभा होणार आहे.

त्यानंतर दुपारी दोनला शिरसोली येथे तर दुपारी चारला कासोदा व सायंकाळी सहाला भडगाव येथे जाहीर सभा होणार आहे. ठाकरे यांच्या समवेत युवा सेनेचे वरुण देसाई, जिल्हा संपर्कप्रमुख संजय सावंतही असतील.

नागरिकांनी मोठ्या संख्येने सभेला उपस्थित राहावे असे आवाहन शिवसेना जिल्हा प्रमुख विष्णू भंगाळे, महानगर प्रमुख श्‍याम तायडे,माजी उपमहापौर कुलभूषण पाटील, महापालिका विरोधी पक्षनेते सुनील महाजन आदींनी केले आहे.