आषाढी एकादशीनिमित्त विशेष गाड्या धावणार; 6 जुलैपासून होणार रवाना

ashadhi ekadashi trains
ashadhi ekadashi trainsesakal

भुसावळ (जि. जळगाव) : विदर्भ (Vidarbha) आणि खानदेशातील वारकऱ्यांसाठी (Khandesh Warkari) चार विशेष रेल्वेगाड्या (Railways) आणि त्यांच्या प्रत्येकी दोन फेऱ्या, अशा १६ गाड्या वारी विशेष म्हणून चालविण्यात येणार आहे. या गाड्या नागपूर, अमरावती व खामगाव येथून पंढरपूरसाठी रवाना होतील. (Special trains to run on Ashadi Ekadashi Departure from July 6 Jalgaon news)

विशेष रेल्वेगाड्यांचे वेळापत्रक आणि डब्यांची संरचना अशी : नागपूर-मिरज-नागपूर विशेष गाडी ६ आणि ९ जुलैला नागपूरहून सकाळी ८:५० ला सुटेल आणि पुढल्या दिवशी ७ आणि १० जुलैला सकाळी ११:५५ ला मिरजेत पोहोचेल. परतीच्या प्रवासात मिरज - नागपूर विशेष ७ आणि १० जुलैला दुपारी १२:५५ ला मिरजेहून निघेल आणि दुसऱ्या दिवशी ८ आणि ११ जुलैला नागपूरला दुपारी १२:२५ पोहोचेल.

नागपूर-पंढरपूर गाडी
नागपूर-पंढरपूर-नागपूर विशेष गाडी ७ आणि १० जुलैला नागपूरहून सकाळी ८:५० ला सुटेल आणि दुसऱ्या दिवशी म्हणजे ८ आणि ११ जुलैला सकाळी ८ वाजता पंढरपूरला पोहोचेल. परतीच्या प्रवासात पंढरपूर- नागपूर विशेष ८ आणि ११ जुलैला सायंकाळी पाचला पंढरपूरहून निघेल आणि दुसऱ्या दिवशी ९ आणि १२ जुलैला नागपूरला दुपारी १२:२५ ला पोहोचेल.

अमरावती-पंढरपूर गाडी
नवी अमरावती - पंढरपूर- नवी अमरावती विशेष गाडी ६ आणि ९ जुलैला नवी अमरावतीहुन दुपारी २:४० ला सुटेल आणि पुढल्या दिवशी ७ आणि १० जुलैला सकाळी ९:१० ला पंढरपुरला पोहोचेल. परतीच्या प्रवासात ०११२० पंढरपूर - नवी अमरावती विशेष ७ आणि १० जुलैला सायंकाळी ७:१० ला पंढरपूरहून निघेल आणि दुसऱ्या दिवशी ८ आणि ११ जुलैला नवी अमरावतीला दुपारी १२:४० ला पोहोचेल.

ashadhi ekadashi trains
Jalgaon : पोलिस मुख्यालयासमोरच ATM फोडले; गुन्हा दाखल

खामगाव - पंढरपूर गाडी
खामगाव - पंढरपूर- खामगाव विशेष गाडी ७ आणि १० जुलैला खामगावहून सकाळी साडेअकराला सुटेल आणि पुढल्या दिवशी ८ आणि ११ जुलैला पहाटे साडेतीनला पंढरपूरला पोहोचेल. परतीच्या प्रवासात पंढरपूर खामगाव विशेष ८ आणि ११ जुलैला पहाटे पाचला पंढरपूरहून निघेल आणि दुसऱ्या दिवशी ९ व १२ जुलैला खामगावला सायंकाळी साडेसातला पोहोचेल. सर्व विठ्ठल भक्तांनी रेल्वेच्या या वारी विशेष गाड्यांचा लाभ घ्यावा, असे आवाहन रेल्वे प्रशासनाने केले आहे.

ashadhi ekadashi trains
राजकीय खेळी पूर्ण, न्यायालयीन निकालाची प्रतीक्षा : चिमणराव पाटील

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com