सावद्यात 3 दिवस पाणीपुरवठा बंद : Jalgaon

सावदा (जि. जळगाव) : शहराला पाणीपुरवठा करणारी जलवाहिनीत सावदा रेल्वेस्थानकाजवळ बिघाड होऊन गळती लागली आहे. पाणीपुरवठा विभागाने दुरुस्तीचे काम हाती घेतले आहे. सावद्यात बुधवार (ता. २२)पासून तीन दिवस पाणीपुरवठा बंद राहील. नागरिकांनी सहकार्य करावे, असे आवाहन प्रशासक प्रांताधिकारी कैलास कडलग आणि मुख्याधिकारी किशोर चव्हाण यांनी केले आहे.

मांगलवाडी येथून सावदा शहरास पाणीपुरवठा करणारी मुख्य जलवहिनीला रेल्वे रूळाखाली गळती लागली आहे. गेल्या आठवड्यातही जलवहिनीला गळती लागली होती. दुरुस्तीचे काम युद्धपातळीवर सुरू केले आहे. सावदा शहरातील नागरिकांनी पाण्याचा अपव्यय टाळून पालिकेला सहकार्य करावे, असे आवाहन प्रशासक कैलास कडलक, मुख्याधिकारी किशोर चव्हाण यांनी केले आहे.