रत्नागिरीत कामगारांची आबाळ रोखण्यावर प्रशासनाचे लक्ष..

रत्नागिरी : प्रशासनाने नियमित रोजगारावर असलेल्या कामगारांना जेवण पोचवण्यास सुरुवात केली आहे. तर  जिल्ह्यात विविध रुग्णालयात विलगीकरणासाठी ठेवलेल्या रुग्णांची संख्या 36 वर पोचली आहे. 

संशयित रुग्णांची संख्या आता 15 वर
जिल्ह्यात रविवारी संशयित रुग्णांची संख्या 15 ने वाढली आहे. त्यात कळंबणी 7, संगमेश्‍वर 1, रत्नागिरी जिल्हा शासकीय रुग्णालय 7 रुग्णांचा समावेश आहे. जिल्ह्यात 19 जणांचे अहवाल येणे बाकी आहे. आतापर्यंत 57 जणांना उपचार केल्यानंतर घरी सोडण्यात आले असून जिल्हा शासकीय रुग्णालयासह उपजिल्हा रुग्णालयात 36 रुग्णांना क्वारंटाईन करुन ठेवण्यात आले आहे. जिल्हयात जेएसडब्लू, जयगड पोर्ट तसेच येथील औद्योगिक वसाहतीत असणार्‍या कंपन्यांनी त्यांच्याकडील रोजंदारीवर असणार्‍या कामगारांच्या राहण्याची व जेवणाची व्यवस्था केली आहे.

हेही वाचा - चिंताजनक! `येथे` काजूची लाखोंची उलाढाल ठप्प

सहा जणांचे अहवाल निगेटिव्ह

इतर तालुक्यातील रोजंदारीवरील कामगारांची संख्या 474 इतकी असून त्यांच्या राहण्याची व भोजनाची व्यवस्था प्रशासनने केली आहे.  तसेच तशी व्यवस्था नसलेल्या 21 पैकी  खेड येथे निवारा केंद्रात 12 व दापोली येथे 9 जणांण ठेवण्यात आले आहे. त्यांना जेवण पोच झाले आहे.दरम्यान तपासणीसाठी नमुने पाठविलेल्या पैकी सहा जणांचे अहवाल निगेटिव्ह आले आहेत.

हेही वाचा - अख्या सिंधुदुर्ग अस्वस्थतेच्या वावटळीत

 त्या चौघी प्रेस च्या नावाखाली रत्नागिरी 

रत्नागिरीच्या रहीवाशी असलेल्या पाचजणी मुंबईत नोकरीसाठी राहत होत्या. कोरोनामुळे त्यांना नोकरी किंवा कामच नसल्यामुळे त्यांना परतीचे वेध लागले होते. बंदी असल्यामुळे त्यांनी चारचाकी गाडीवर प्रेस लिहून रत्नागिरीकडे येण्यास निघाल्या. रत्नागिरीत शहरात प्रवेश करण्यापुर्वी हातखंबा येथे त्यांची चौकशी झाली. त्यात त्यांचा बनाव उघडकीस आला. सतर्क असलेल्या पोलिसांनी त्यांच्याकडे आयकार्ड मागितले. मात्र ते देऊ शकले नाहीत. त्यांना तातडीने जिल्हा शासकीय रुग्णालयात दाखल करण्यात आले होते.कोरोना ने संपूर्ण जगात थैमान घातले