खुशखबर : राज्यात होणार सायबर, क्रीडा विद्यापीठ : उदय सामंत

रत्नागिरी : वाढत जाणाऱ्या सायबर घटनांना आळा घालण्यासाठी राज्यात सायबर विद्यापीठ, पुढील १०-१५ वर्षांत देशाचे नाव ऑलिम्पिकमध्ये चमकावे यासाठी क्रीडा विद्यापीठ लवकरच उभारले जाईल, अशी माहिती उच्च व तंत्रशिक्षण मंत्री उदय सामंत यांनी दिली.
एमआयटी वर्ल्ड पीस युनिव्हर्सिटी, पुणे, एमआयटी स्कूल ऑफ गव्हर्नमेंट आणि भारतीय छात्र संसद फाऊंडेशन यांच्या संयुक्त विद्यमाने नवी दिल्ली येथील विज्ञान भवनात १०व्या भारतीय छात्र संसदेचे आयोजन करण्यात आले आहे. या कार्यक्रमाच्या तिसऱ्या सत्रात सामंत बोलत होते.

हेही वाचा-  बापरे ! हा शब्द डावलल्याने चक्क शिक्षकांची पेन्शन रद्द..

लवकरच सायबर विद्यापीठ

या सत्राचा विषय विद्रोह, दहशतवाद व नक्षलवादाशी संघर्ष-कारणे व आव्हाने हा होता. या सत्राचे अध्यक्ष ओडिशाचे विधानसभा अध्यक्ष डॉ. सुजोय पात्रो होते. या वेळी एमआयटी वर्ल्ड पीस युनिव्हर्सिटीचे संस्थापक अध्यक्ष प्रा. डॉ. विश्वनाथ कराड, कार्याध्यक्ष राहुल विश्वनाथ कराड आणि एमआयटी वर्ल्ड पीस युनिव्हर्सिटीचे कुलगुरू डॉ. एन. टी. राव हे उपस्थित होते. सामंत म्हणाले, भविष्यात आतंकवाद्यांकडून अत्याधुनिक तंत्रज्ञानाचा वापर होऊ शकतो. त्याचा सामना तरुणांनी करावा यासाठी महाराष्ट्र शासन लवकरच सायबर विद्यापीठ सुरू करणार आहे.

हेही वाचा-  राज्य सरकारचे आदेश ; गड-किल्ल्यांवर मद्यपान केल्यास भोगावी लागणार अशी शिक्षा अन् एवढा दंड,  ....

देशातील प्रत्येक मुलांमध्ये देशभक्ती जागृत करणे

यासोबतच राज्यात उत्कृष्ट खेळाडू तयार व्हावेत यासाठीही क्रीडा विद्यापीठ सुरू केले जाईल. विद्यार्थीदशेत दिले जाणारे संस्कार हे आयुष्यभर सोबत असतात. त्यामुळे महाराष्ट्र शासनाने प्रत्येक शाळा व कॉलेजमध्ये राष्ट्रगीत गाण्याचा निर्णय घेतलेला आहे. राज्यात २० लाखांपेक्षा अधिक विद्यार्थी रोज राष्ट्रगीत म्हणतात. युवकांना चांगल्या मार्गावर नेण्यासाठी राज्यातील सर्व महाविद्यालय अल्कोहोलरहित व रॅगिंगरहित करण्यासाठी सरकारने पावले उचलली आहेत. देशातील 
प्रत्येक मुलांमध्ये देशभक्ती जागृत करणे ही प्रत्येकाची जबाबदारी असल्याचेही सामंत म्हणाले. एमआयटीने सुरू केलेल्या या छात्र संसदेला राज्य शासनाचा पाठिंबा असून पुढील वर्षापासून राज्यातील जिल्ह्यांमध्ये असा उपक्रम राबविण्यासाठी राज्यशासन सहकार्य करणार असल्याची ग्वाही सामंत यांनी या वेळी दिली.

हेही वाचा- सत्ताधारी एवढे घाबरले का? यातच कुठेतरी पाणी मुरतंय... कोण म्हणाले वाचा...

आदर्श युवा आमदार सन्मान
या वेळी सामंत यांना ‘आदर्श युवा आमदार सन्मान’ ने गौरविण्यात आले. मणिपूरचे आमदार के. लिसिया, दिल्लीचे सौरभ भारद्वाज यांनाही या पुरस्काराने सन्मानित करण्यात आले.