- ताज्या
- देश
- शहरशहर
- लोकसभा २०२४
- क्रीडा / IPLक्रीडा / IPL
- साप्ताहिक
- Epaper
- सकाळ मनी
- व्हायरल सत्य
- प्रीमियर
- महाराष्ट्र
- आणखीआणखी
- सकाळ +
- वेब स्टोरीज
- ग्लोबल
- ॲग्रोवन
- साम TV
- सरकारनामा
- दैनिक गोमन्तक
साडवली : पाच नोव्हेंबर हा मराठी रंगभूमी दिन साजरा होणार आहे. गेले आठ महिने रंगभूमीवर एकही प्रयोग झालेला नाही. किमान रंगभूमीदिनी तिसरी घंटा वाजणार का ? असा सवाल रंगकर्मी व रसिक विचारत आहेत. गेल्या आठ महिन्यात रंगभूमीने कोट्यावधीचे नुकसान सोसले आहे. अनेक कलाकार बेरोजगार झाले आहेत. रंगभूमी दिनापासुन रंगमंच उजळेल का ? असा सवाल आज उपस्थित केला जात आहे.
5 नोव्हेंबर 1943 रोजी सांगली येथे स्वातंत्र्यवीर वि. दा. सावरकर यांच्या अध्यक्षतेखाली विष्णुदास भावे यांनी सीतास्वयंवर हे संवाद, संगीत, कथानक यांनी परिपूर्ण असलेले नाटक पहील्यांदाच सादर केले. गावोगावी त्याचे प्रयोग करुन मराठी नाटकांना लोकाश्रय मिळाला. हा दिवस मराठी रंगभूमी दिन म्हणुन साजरा होत असतो. प्रमुख शहरांबरोबरच कोकणातील माणुस हा नाट्यवेडा आहे. अनेक कलाकार कोकणाने रंगभूमीला दिलेले आहेत. मार्च महिन्यापासून कोरोना काळात एकाही नाटकाचा प्रयोग झालेला नाही.
मार्च ते मे महिना या काळात होणारे नाटकाचे असंख्य प्रयोग बंद ठेवावे लागले. ऑक्टोबर पर्यंत लॉकडाउन शिथील होताना नाटकांसाठी मात्र परवानगी दिलेली नाही. यामुळे कलाकार, तंत्रज्ञ, बॅकस्टेज कलाकार यांचे प्रचंड नुकसान झाले आहे. थिएटर मालक हतबल झाले आहेत. नाट्यव्यवसायांवर अवलंबुन असणार्‍या कुटुंबांना रोजगारासाठी इतर मार्ग शोधावे लागले आहेत. या व्यवसायावर अनेक घटक उपजिविका करणारे आहेत.
कोरोनाच्या या महामारीत अनेक कुटुंबांना चांगलीच आर्थिक झळ सोसावी लागली आहे.शासनाने या गोष्टींचा गांर्भिर्याने विचार करणे गरजेचे बनले आहे. मराठी रंगभूमी दिन साजरा होत असताना आता शासनाने रंगभूमीवरील निर्बंध उठवावेत व पुन्हा ते सोनेरी दिवस अनुभवायला द्यावेत अशी मागणी होत आहे.
"रंगभूमी वरील नाट्यप्रयोग सुरु व्हावेत असे कलाकार म्हणुन माझीही मागणी आहे, पण कोरोनामुळे रसिकच नाटकाला नाही आले तर ते कुणालाच परवडणारे नाही. कोरोनामुळे गर्दी कमी करण्यासाठी सीटची मर्यादा येणार व अर्थकारण कमी पडणार हे परवडणारे नाही. पर्यायाने पुन्हा प्रयोग बंद करावे लागतील ही भीती आहे. शासनाने यावर योग्य तोडगा काढावा असे माझे मत आहे."
- अभिनेते वैभव मांगले
संपादन - स्नेहल कदम
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.