- ताज्या
- देश
- शहरशहर
- लोकसभा २०२४
- क्रीडा / IPLक्रीडा / IPL
- साप्ताहिक
- Epaper
- सकाळ मनी
- व्हायरल सत्य
- प्रीमियर
- महाराष्ट्र
- आणखीआणखी
- सकाळ +
- वेब स्टोरीज
- ग्लोबल
- ॲग्रोवन
- साम TV
- सरकारनामा
- दैनिक गोमन्तक
रत्नागिरी : गणेशोत्सवासाठी मुंबईतून कोकणात दाखल झालेल्या चाकरमान्यांच्या परतीसाठी रत्नागिरी एसटी विभागाने जय्यत तयारी केली आहे. आतापर्यंत 329 फेर्‍यांचे आरक्षण ऑनलाईन झाले आहे. 278 फेर्‍या ग्रुप बुकिंग अशा 607 फेर्‍यांचे आरक्षण फुल्ल झाले आहे. 274 फेर्‍यांचे आरक्षण सुरू आहे. अशा एकूण 881 जादा फेर्‍यांचे नियोजन केले आहे. गणपती विसर्जनानंतर परतीसाठी चाकरमान्यांनी एसटीला पसंती दाखवली आहे. दरवर्षी परतीसाठी 1600 हून अधिक गाड्यांचे आरक्षण होते. परंतु यंदा कोरोनामुळे मोठा फटका एसटी महामंडळाला बसला आहे.
कोणताही ई पास लागणार नसल्याने मुंबईतून मोठ्या संख्येने चाकरमानी येतील, असा अंदाज होता. परंतु क्वारंटाईनच्या नियमामुळे चाकरमानी कमी संख्येने रत्नागिरीत आले. एसटीने 295 गाड्यांतून 4956 चाकरमानी रत्नागिरीत आले. लॉकडाऊनमुळे मार्च, एप्रिलनंतर गावी आलेल्या व पुन्हा मुंबईत जाऊ न शकलेले चाकरमानी मोठ्या संख्येने पुन्हा मुंबापुरीत जाण्यास सज्ज झाले आहेत. अर्थात एसटीची लाल परी त्यांच्या मदतीला धावून आली आहे. त्यामुळेच 881 हून अधिक गाड्यांचे आरक्षण झाले झाले.
दीड दिवसांच्या बाप्पाचे विसर्जन झाल्यानंतर चाकरमानी परतीच्या प्रवासाला लागले. ग्रुप बुकिंगला चांगला प्रतिसाद मिळाला. सांगली, कोल्हापूर, सातारा आदी जवळच्या विभागातून जादा गाड्या मागवण्यात आल्या आहेत. सर्व चालक, वाहकांना कोरोनाविषयक नियमांबाबत सूचना देण्यात येत आहेत.
रत्नागिरी, रायगड, सिंधुदुर्ग या जिल्ह्यांकरिता गणेशोत्सवात दरवर्षी 2500 हून अधिक गाड्यांचे नियोजन केले जाते. रत्नागिरी जिल्ह्यात 1500 हून अधिक गाड्या येतात. यंदा कोरोनामुळे या गाड्यांची संख्या चार पटीने कमी झाली आहे. 22 प्रवाशांनाच प्रवास करता येणार असल्याने यात घट झाली. जादा वाहतुकीतून एसटीला उत्पन्न मिळण्याची अपेक्षा आहे.
तारीख, ग्रुप बुकिंग, फुल्ल, बुकिंग चालू, एकूण फेर्‍या
27 ऑगस्ट 9 12 33 46
28 ऑगस्ट 13 71 88 172
29 ऑगस्ट 67 110 65 242
30 ऑगस्ट 65 120 49 234
31 ऑगस्ट 78 11 18 107
1 सप्टेंबर 28 03 08 39
2 सप्टेंबर 26 2 4 32
ग्रुप बुकिंगच्या आगारनिहाय फेर्‍या
मंडणगड 35, दापोली- 27 खेड- 13 चिपळूण- 22 गुहागर- 76 देवरुख- 26 रत्नागिरी- 26 लांजा- 19 राजापूर- 34 एकूण 278
संपादन - अर्चना बनगे
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.