ओरोस (सिंधुदुर्ग): जिल्ह्यातील जीवनावश्यक व अत्यावश्यक सेवा शनिवार व रविवारी दुपारी ४ वाजेपर्यंत सुरुच राहणार असल्याची माहिती निवासी उपजिल्हाधिकारी शुभांगी साठे(Resident Deputy Collector Shubhangi Sathe)यांनी दिली आहे. सिंधूदुर्ग जिल्हा चौथ्या टप्प्यात आहे. या टप्प्याला शनिवार व रविवारी अत्यावश्यक व जीवनावश्यक सुविधा बंद ठेवण्याचे निर्बंध नसून इतर दिवसांप्रमाणे सूट असल्याचे त्यांनी सांगितले. (sindhudurg-weekend-lockdown-update-marathi-news)
राज्याने कोरोनाच्या पार्श्वभूमीवर राज्यात पाच टप्पे केले आहेत. यासाठी पाचही टप्प्यासाठी स्वतंत्र निर्बंध घातले आहेत. याबाबत जिल्हाधिकारी के. मंजुलक्ष्मी यांनी स्वतंत्र आदेश काढत ७ जूनपासून जिल्ह्यात याची अंमलबजावणी सुरु झाली; मात्र या आदेशात शनिवारी व रविवारी अत्यावश्यक व जीवनावश्यक सेवा सुरु राहिल, असे स्पष्ट होत नाही. त्यामुळे आज जिल्ह्यातील व्यापारी वर्गात संभ्रम निर्माण झाला होता. त्यामुळे याबाबत निवासी उपजिल्हाधिकारी साठे यांना विचारले असता त्यांनी शनिवार व रविवारी अत्यावश्यक व जीवनावश्यक सेवा दुपारी ४ वाजेपर्यंत सुरु राहणार असल्याचे सांगितले.
प्रशासनात सुद्धा संभ्रम
जीवनावश्यक सेवा केवळ शनिवार व रविवारी सुरू राहतील, असे जिल्हाधिकारी मंजुलक्ष्मी यांनी ५ जूनला काढलेल्या आदेशात म्हटले होते. त्यामुळे कणकवली नगरपालिकेने शनिवार व रविवारी कणकवली बंद राहिल, असे जाहीर केले; मात्र ही बाब निवासी उपजिल्हाधिकारी शुभांगी साठे यांच्या लक्षात येताच त्यांनी कणकवली मुख्याधिकाऱ्यांना बंद ठेवण्याचे आदेश नसल्याबाबत कळविले. त्यामुळे कणकवली नगरपंचायत प्रशासनाला पुन्हा शनिवारी, रविवारी बंद नसल्याचे जाहीर करावे लागले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
