VIDEO: पुष्पा सारखं आता बांगलादेशी क्रिकेटरही म्हणतोय, झुकेगा नही मैं!

साऊथचा सुपरस्टार अल्लू अर्जुनचा (Allu Arjun) पुष्पा द राईज (Pushpa The Rise) हा चित्रपट नुकताच प्रदर्शित झाला. या चित्रपटातील अल्लू अर्जूनचा एक डायलॉग आणि सीन फारच गाजला आहे. या सीनची कॉपी अनेक सेलिब्रेटी करत आहेत. क्रिकेटच्या (Cricket) मैदानातही याची जबरदस्त क्रेझ दिसत आहे. पहिल्यांदा रविंद्र जडेजाचा (Ravindra Jadeja) अल्लू अर्जून सारखा लूक करत 'पुष्पा पुष्पराज झुकेगा नही मैं!' हा डायलॉग म्हणतानाचा व्हिडिओ व्हायरल झाला होता. त्यानंतर ऑस्ट्रेलियाचा धडाकेबाज फलंदाज डेव्हिड वॉर्नरने (David Warner) देखील पुष्पाची नक्कल केली होती. (Allu Arjun Pushpa The Rise film craze in Bangladesh Premier League)

आता पुष्पा चित्रपटातील डायलॉग आणि आयकॉनिक अॅक्शनची क्रेझ बांगलादेशपर्यंत (Bangladesh) पोहचली आहे. बांगलादेश प्रीमियर लीगमध्ये गोलंदाजाने पुष्पा सेलिब्रेशन केले. या गोलंदाजाला षटकार मारण्याच्या नादात फलंदाज झेलबाद झाला त्यावेळी या बांगलादेशी गोलंदाजाने पुष्पा सेलिब्रेशन केले.

तेलगू अॅक्शन चित्रपट पुष्पा द राईज हा १७ डेसिंबरला प्रदर्शित झाला होता. मीडिया रिपोर्टनुसार आतापर्यंत या चित्रपटाने बॉक्स ऑफिसवर (Box Office) ३५० कोटी रूपयांचा गल्ला जमवला आहे. याचबरोबर पुष्पा हा २०२१ मध्ये सर्वाधिक कमाई करणारा भारतीय चित्रपट ठरला आहे. तर तेलगू चित्रपट सृष्टीतील हा सर्वाधिक कमाई करणार चित्रपट ठरला आहे.