Australia PM Scott Morrison turns commentator during Ashes : ऑस्ट्रेलिया आणि इंग्लंड यांच्यातील चौथा कसोटी सामना सिडनीच्या मैदानात सुरु आहे. पहिल्या तीन सामन्यातील विजयासह ऑस्ट्रेलियन संघाने अॅशेस मालिका आधीच जिंकलीये. चौथ्या सामन्यातही त्यांनी मजबूत पकड बनवली आहे. या सामन्यादरम्यान एक कमालीचा क्षण क्रिकेट चाहत्यांना अनुभवायला मिळाला.
ऑस्ट्रेलियाचे पंतप्रधान स्कॉट मॉरिसन (Australia PM Scott Morrison ) यांनी थेट कॉमेंट्री बॉक्समध्ये हजेरी लावली. सामन्याच्या तिसऱ्या दिवशीच्या खेळात पंतप्रधान मॉरिसन समालोचक अॅडम गिलख्रिस्ट (Adam Gilchrist) आणि ईशा गुहा (Isa Guha) यांच्यामध्ये बसून कॉमेंट्री करताना दिसते. कॉमेंट्री करतानाचा त्यांचा व्हिडिओ सोशल मीडियावर तुफान व्हायरल होत आहे.
सिडनीच्या मैदानातील तिसऱ्या दिवसाचा खेळ सुरू असताना स्कॉट मॉरिसन समालोचन कक्षात आल्याचे पाहायला मिळाले. काही वेळ त्यांनी ऑस्ट्रेलियाचा माजी यष्टीरक्षक अॅडम गिलख्रिस्ट आणि समालोचक ईशा गुहा यांच्याशी गप्पा गोष्टी केल्या. त्यानंतर त्यांनी माईक आणि हेडफोन्स लावून थेट समालोचकाची भूमिका बजावली. देशाच्या पंतप्रधानांचा हा अंदाज सर्वांनाच आवाक करुन सोडणारा होता.
सिडनी क्रिकेट ग्राऊंडवर रंगलेला सामना 'पिंक टेस्ट' म्हणून ओळखला जातो. हा सामना नेहमीच्या लाल चेंडूवरच खेळवला जातो. मात्र सर्व स्टेडियमवर गुलाबी वातावरण पाहायला मिळते. स्तनाच्या कर्करोगासंदर्भात जागरूकतीचा खास संदेश या कसोटी सामन्यातून दिला जातो. कसोटीतून मॅकग्रा फाऊंडेशनला आर्थिक सहाय्य केले जाते. मॉरिसन यांनी देखील फाऊंडेशनसाठी 40 मिलियन डॉलर्सचे अनुदान मंजूर केलं. ऑस्ट्रेलियन सरकार मॅकग्रा फाऊंडेशनच्या सत्कार्याला नेहमीच पाठिंबा देईल, असं आश्वासनही मॉरिसन यांनी यावेळी दिले.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.