IPL Impact Player : भारतीय इम्पॅक्ट प्लेअरच खेळवता येणार; बीसीसीआयने केले स्पष्ट

IPL Impact Player BCCI : आयपीएल 2023 मध्ये बीसीसीआयने इम्पॅक्ट प्लेअर ही संकल्पना राबवणार आहे. आता कर्णधाराला आपल्या प्लेईंग 11 सोबतच 4 इम्पॅक्ट प्लेअर खेळाडूंची यादी द्यावी लागणार आहे. यातील एकच इम्पॅक्ट प्लेअर सामन्यावेळी संघात खेळू शकतो. दरम्यान, बीसीसीआयने इम्पॅक्ट प्लेअर ही संकल्पना आयपीएलमध्ये राबवताना ते सर्व खेळाडू हे भारतीय असतली असे स्पष्ट केले आहे.

बीसीसीआयने सांगितले की, 'आयपीएलमध्ये भारतीयच खेळाडू इम्पॅक्ट प्लेअर म्हणून खेळतील.' याबाबत अधिक स्पष्टपणे सांगताना बीसीसीआय म्हणते की, इम्पॅक्ट प्लेअर म्हणून विदेशी खेळाडू फक्त जर संघाने प्लेईंग 11 मध्ये 4 पेक्षा कमी खेळाडू खेळवले असतील तरच खेळवता येणार आहे. जर संघात आधीच चार विदेशी खेळाडू खेळत असतील तर इम्पॅक्ट प्लेअरमध्ये विदेशी खेळाडूचे नाव घालता येणार नाही. जर एखाद्या संघाने विदेशी खेळाडूचे नाव इम्पॅक्ट प्लेअर लिस्टमध्ये समाविष्ट केले तर त्यांना कोणत्या परिस्थिती पाच विदेशी खेळाडू मैदानावर उतरवात येणार नाहीत.'

इम्पॅक्ट प्लेअर एकदा का एका खेळाडूच्या बदल्यात मैदानात आला तर ज्या खेळाडूच्या बदल्यात इम्पॅक्ट प्लेअर संघात आलेला आहेत त्या खेळाडूला पुन्हा सामन्यात सहभागी होता येणार नाही. याचबरोबर त्याला बदली क्षेत्ररक्षक म्हणून देखील मैदानात उतरता येणार नाही.

हेही वाचा : असं एक गाव, जिथं जमिनीला कान लावला तरी संगीत ऐकू येतं...