Shreyas Iyer : मॅक्युलमची 'चाणक्य निती', एक इशारा अन् श्रेयस अय्यर पॅव्हेलियनमध्ये | Sakal
sakal

बोलून बातमी शोधा

Brendon McCullum plotting Shreyas Iyer dismissal from the balcony

Shreyas Iyer : मॅक्युलमची 'चाणक्य निती', एक इशारा अन् श्रेयस अय्यर पॅव्हेलियनमध्ये

बर्मिंगहम : भारत आणि इंग्लंड (England Vs India) यांच्यातील पाचव्या कसोटीत सुरूवातीचे भारताचे वर्चस्व मोडून काढत इंग्लंडने सामन्यावर आपली पकड मजबूत करण्याचा प्रयत्न केला. भारताने एजबेस्टन कसोटीत दुसऱ्या डावात 245 धावांपर्यंतच मजल मारली. भारताकडून चेतेश्वर पुजारा आणि ऋषभ पंत यांनी अर्धशतकी खेळी केली. मात्र भारताच्या इतर फलंदाजांना फारशी चमक दाखवता आली नाही. मधल्या फळीतील फलंदाज श्रेयस अय्यर (Shreyas Iyer) देखील फेल गेला. विशेष म्हणजे केकेआरचा माजी प्रशिक्षक ब्रँडन मॅक्युलमने (Brendon McCullum) आपल्याच माजी कर्णधाराला चाणक्य रणनिती वापरत बाद केले.

हेही वाचा: एजबॅस्टन कसोटीत इंग्लंडकडून भारतीय प्रेक्षकांना वर्णद्वेशावरून टिप्पणी

ब्रँडन मॅक्युलमने श्रेयस अय्यर क्रीजवर असताना पॅव्हेलियनच्या गॅलरीमधून गोलंदाजाला खुणावले. त्याने वेगवान गोलंदाज मॅटी पॉट्सला शॉर्ट बॉल (Short Ball) टाकण्यास सांगितले. मॅटी पॉट्सने देखील श्रेयस अय्यरला शॉर्ट बॉल टाकला. या बॉलवर श्रेयस अय्यरने पूल शॉट मारण्याचा प्रयत्न केला. मात्र या प्रयत्नात तो स्क्वेअर लेगला झेल देऊन बसला. मॅक्युलमने रचलेल्या सापळ्यात श्रेयस अय्यर अलगद सापडला.

मॅक्युलम आणि श्रेयस अय्यर हे केकेआर संघात एकत्र होते. त्यामुळे मॅक्युलमला अय्यरची बलस्थाने आणि कच्चे दुवे देखील माहिती आहेत. दरम्यान, मॅक्युलमची ही रणनिती सोशल मीडियावर चांगलीच व्हायरल होत आहे.

हेही वाचा: महाराष्ट्र कुस्तीगीर परिषद: ब्रिजभूषण यांचा शरद पवारांना आणखी एक दणका

भारताने ठेवलेल्या 378 धावांच्या आव्हानाचा पाठलाग करताना इंग्लंडचे सलामीवीर अॅलेक्स लीज आणि झॅक क्राऊलीने शतकी सलामी दिली. त्यानंतर बुमराहने इंग्लंडला पाठोपाठ धक्के देत इंग्लंडची अवस्था 3 बाद 109 धावा अशी केली. आता सामना भारताच्या मुठीत असल्याचे वाटत असतानाच जो रूट (Joe Root) आणि जॉनी बेअरस्टो (Jonny Bairstow) यांनी चौथ्या विकेटसाठी नाबाद दीडशतकी भागीदारी रचून इंग्लंडला चौथ्या दिवसअखेर 3 बाद 259 धावांपर्यंत पोहचवले. इंग्लंडला आता विजयासाठी पाचव्या दिवशी 119 धावांची गरज असून सध्या जो रूट 76 आणि बेअरस्टो 72 धावांवर खेळत आहेत.

Web Title: Brendon Mccullum Plotting Shreyas Iyer Dismissal From The Balcony

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..