IND vs SL Live: श्रीलंकेची फडफड, भारताची वाढवलेली धडधड! Asia Cup 2025 मध्ये सुपर ओव्हरचा थरार

India vs Sri Lanka Asia Cup 2025 Marathi Live: श्रीलंकेने आशिया चषक स्पर्धेतील त्याच्या शेवटच्या लढतीत चांगली फडफड केली आणि त्यांचा खेळ पाहून टीम इंडियाची धडधड नक्की वाढवली. स्पर्धेबाहेर गेलेल्या श्रीलंकेसमोर २०२ धावांचे लक्ष्य भरपूर आहे, असा भ्रम भारतीय गोलंदाजांना झाला होता. पण, पथून निसंकाने शतक झळकावून तो भ्रमाचा भोपळा फोडला आणि त्याला कुसल परेराची साथ मिळाली. या दोघांनी मॅच भारताच्या ताब्यातून खेचून नेली होती, पंरतु परेराची विकेट पडली अन् भारतीय गोलंदाजांनी सामन्यात पुनरागमन केले. पण,शेवटच्या चेंडूवर रन आऊट न झाल्याने सामना बरोबरीत सुटला अन् सामना सुपर ओव्हरमध्ये गेला.