Abhishek Sharma and Harshit Rana during their crucial partnership against Australia in the 2nd T20I match.
esakal
Cricket
IND vs AUS 2nd T20I Live: अभिषेक शर्मा एकटा भिडला! सूर्या, गिल, संजू फेल झाले असताना हर्षित राणा फलंदाजीत चमकला
Australia vs India 2nd T20I Marathi Cricket : भारताचा डाव कोसळल्यानंतर अभिषेक शर्मा आणि हर्षित राणाने एकत्र येऊन संघाला स्थिरता दिली. जॉश हेजलवूडच्या घातक स्पेलने भारताची अवस्था ५ बाद ४९ धावा अशी झाली होती.
India vs Australia 2nd T20I Marathi Cricket Update: भारताचे आघाडीचे फलंदाज अपयशी ठरले असताना सलामीवीर अभिषेक शर्माने ( Abhishek Sharma) एकहाती खिंड लढवली. जॉश हेझलवूडने त्याच्या स्पेलमध्ये तीन धक्के देताना भारताची अवस्था ५ बाद ४९ धावा अशी दयनीय केली होती. पण, याही परिस्थितीत अभिषेक खंबीरपणे मैदानावर उभा राहिला आणि त्याच्या जोडीला हर्षित राणाने ( Harshit Rana) अप्रतिम फलंदाजी केली. अभिषेक-हर्षित यांनी सहाव्या विकेटसाठी अर्धशतकी भागीदारी केली. हर्षितने त्याच्यावरील विश्वास सार्थ ठरवताना फलंदाजीतही महत्त्वपूर्ण योगदान दिले.