क्रिकेटविश्वातून एक खळबळजनक बातमी समोर आली आहे. बांगलादेशची महिला क्रिकेटपटू शोहेली अख्तर हिच्यावर आयसीसीकडून सर्व प्रकारच्या क्रिकेटमधून ५ वर्षांची बंदी घालण्यात आली आहे. दक्षिण आफ्रिकेत झालेल्या २०२३ वर्ल्ड कप दरम्यान फिक्सिंगचे आरोप तिच्यावर करण्यात आले असून त्यामुळेच तिला या बंदीला सामोरे जावे लागत आहे.
३६ वर्षीय शोहेली हिने या आरोप मान्य केले आहेत, तसेच तिने आयसीसीच्या भ्रष्टाचारविरोधी संहितेच्या पाच तरतुदींचे उल्लंघन केल्याचेही मान्य केले आहे. तिच्यावरील बंदीचा कालावधी १० फेब्रुवारी २०२५ पासून लागू करण्यात आला आहे.
तिने कलम २.१.१, २.१.३, २.१.४, २.४.४ आणि २.४.७ याचं उल्लंघन केलं आहे.
