Ruturaj GaikwadSakal
Cricket
Ruturaj Gaikwad इंग्लंडमध्ये खेळणार! भारताच्या कसोटी संघात झाली नव्हती निवड, पण आता...
Ruturaj Gaikwad signed to play for Yorkshire: भारतीय कसोटी संघ सध्या इंग्लंडमध्ये असून २० जूनपासून ५ सामन्यांची कसोटी मालिका खेळणार आहे. यादरम्यानच आता ऋतुराज गायकवाडही इंग्लंडमध्ये क्रिकेट खेळताना दिसणार आहे.
चेन्नई सुपर किंग्सचा कर्णधार ऋतुराज गायकवाड गेल्या वर्षभरापासून भारतीय संघातून दूर आहे. देशांतर्गत क्रिकेटमध्ये सातत्यपूर्ण धावा केल्यानंतरही त्याला भारताच्या संघात पुनरागमन करण्यात अपयश आलं आहे. तो सध्या भारत अ संघासोबत इंग्लंडला गेलेला आहे, मात्र पहिल्या दोन्ही प्रथम श्रेणी सामन्यांसाठी त्याला प्लेइंग इलेव्हनमध्ये संधी मिळाली नव्हती. ॉ
तसेच सध्या भारताचा कसोटी संघही सध्या इंग्लंडमध्ये आहे. त्यांना २० जूनपासून इंग्लंडविरुद्ध ५ सामन्यांची कसोटी मालिका खेळायची आहे. पण ऋतुराजचा या मालिकेसाठीही विचार करण्यात आलेला नव्हता. पण असं असलं तरी आता तो इंग्लंडमध्ये खेळताना दिसणार आहे, हे स्पष्ट झाले आहे.