इंग्लंड विरुद्ध भारत संघात कसोटी मालिकेतील तिसरा सामना क्रिकेटची पंढरी लॉर्ड्समध्ये होत आहे. पण या सामन्यातील वातावरण सध्या चांगलंच तापलं आहे. या सामन्याच्या तिसऱ्या आणि चौथ्या दिवसाच्या शेवटी दोन्ही संघांच्या खेळाडूंमध्ये गरमागरमी वाढल्याचे दिसले.
तिसऱ्या दिवसाच्या अखेरीस इंग्लंडचे सलामीवीर झॅक क्रॉली आणि बेन डकेट यांनी दुसऱ्या डावात खेळताना वेळ वाया घालवण्याचा प्रयत्न केला होता, त्यावरून भारतीय खेळाडूंची विशेषत: कर्णधार शुभमन गिलची दोन्ही सलामीवीरांसोबत वाद झाले होते. अखेर तिसऱ्या दिवसाच्या अखेरीस इंग्लंडने एकच षटक खेळताना बिनबाद २ धावा केल्या होत्या.
