FACT CHECK : हॅरिस रौफवर ३ सामन्यांची बंदी, Asia Cup Final नाही खेळणार? भारताला डिवचणे पडले महागात, ICC ची कारवाई

Haris Rauf ICC action India vs Pakistan controversy : भारत आणि पाकिस्तान यांच्यात आशिया चषक स्पर्धेची फायनल होणार आहे. यापूर्वीच्या दोन्ही सामन्यांत भारताने शेजाऱ्यांना पराभवाचं पाणी पाजलं. पण, त्या सामन्यात बऱ्याच नाट्यमय घडामोडी घडल्या. पहलगाम हल्ल्यानंतर IND vs PAK हे प्रथमच क्रिकेटच्या मैदानावर समोरासमोर आले, परंतु त्या सामन्यात भारतीय संघाने शेजाऱ्यांशी हस्तांदोलन केले नाही. त्यामुळे पाकिस्तान क्रिकेट बोर्डाने ( PCB) रडारड सुरू केली. दुसऱ्या सामन्यात हॅरिस रौफ व साहिबजादा फरहान यांच्या वादग्रस्त सेलिब्रेशनने वाद निर्माण झाला. आता या प्रकरणाची आयसीसीने दखल घेतली आणि हॅरिस रौफवर तीन सामन्यांच्या बंदीची शिक्षा सुनावली, अशी पोस्ट सध्या व्हायरल होतेय.