Temba Bavuma Leads South Africa to Historic WTC Final 2025 Triumph esakal
Cricket
Premium | एककाळचे चोकर्स आज झाले विनर्स; टेम्बा बवुमा, एडन मार्करमने WTC Final मध्ये दक्षिण अफ्रिकेच्या संघाला कसं जिंकवलं?
South Africa wins WTC Final under Temba Bavuma : दक्षिण आफ्रिकेने अखेर ICC स्पर्धांतील ‘चोकर्स’चा शिक्का पुसत जागतिक कसोटी अजिंक्यपद जिंकत इतिहास रचला. लॉर्ड्सच्या मैदानावर ऑस्ट्रेलियासारख्या बलाढ्य संघाला २८१ धावांचा पाठलाग करत पराभूत करण्याचा पराक्रम टेम्बा बवुमाच्या नेतृत्वाखाली घडला. सामन्याच्या प्रत्येक सत्रात चढ-उतार झाले; रबाडा व यान्सेनच्या धारदार गोलंदाजीपासून ते टेम्बा व मार्करमच्या संयमी फलंदाजीपर्यंत, हा विजय आफ्रिकेच्या संयमाचा आणि आत्मविश्वासाचा पुरावा होता.
कसोटी क्रिकेट खरंच मजेशीर आहे...
दक्षिण आफ्रिका आणि ऑस्ट्रेलिया यांच्यातली जागतिक कसोटी अजिंक्यपद स्पर्धेची फायनल पाहताना हे प्रत्येक सत्राला जाणवले. आयसीसी स्पर्धेच्या फायनलमध्ये ऑस्ट्रेलियाचा संघ पोहोचला, म्हणजे जेतेपद हे त्यांचेच, हे समीकरणच गेली कित्येक वर्ष आपण पाहतोय. पण, त्याला आज तडा गेला. 'चोकर्स' दक्षिण आफ्रिका जे आयसीसी स्पर्धेत हमखास माती खाणारे, त्यांनी ऑस्ट्रेलियाच्या मक्तेदारीला सुरूंग लावला... १५ वर्षांनंतर ऑस्ट्रेलियाचा संघ आयसीसीच्या फायनलमध्ये हरला, तर २७ वर्षानंतर दक्षिण आफ्रिकेने आयसीसी ट्रॉफी जिंकली.