Gautam Gambhir Unhappy with Wankhede Pitch Curator?
Sakal
टी२० वर्ल्ड कप २०२६ स्पर्धेत गुरुवारी भारत आणि इंग्लंड संघात उपांत्य फेरीचा सामना रंगणार आहे. मुंबईच्या वानखेडे स्टेडियमवर (Wankhede Stadium) हा सामना होणार असून सलग तिसऱ्यांदा उपांत्य सामन्यात हे दोन संघ आमने-सामने येणार आहेत. या सामन्यात लाल मातीची खेळपट्टी असेल, पण ही खेळपट्टी कोणाला साथ देईल, याबाबत उत्सुकता आहे.
सध्या समोर आलेल्या फोटोमध्ये तर खेळपट्टीवर हिरवे गवत दिसत आहे. तसे असेल, तर वेगवान गोलंदाजांना मदत मिळू शकते. याच दरम्यान गौतम गंभीरचा (Gautam Gambhir) एक फोटो सध्या सोशल मीडियावर व्हायरल होत आहे, यामध्ये तो पिच क्युरेटरवर (Pitch Curator) नाराज दिसत आहे.
